Sansar News
काठमाडौँ । जेठ महिनामा घरजग्गा कारोबार बढेको छ । भूमि व्यवस्था तथा अभिलेख विभागको तथ्याङ्कअनुसार जेठमा मात्रै ६१ हजार १ सय ६१ सङ्ख्यामा घरजग्गा किनबेच भएको छ । जुन वैशाखको तुलनामा २२.८५ प्रतिशत बढी हो ।
बेशाखामा ४९ हजार ७ सय ८२ सङ्ख्यामा घरजग्गा कारोबार भएको थियो । घरजग्गा कारोबार बढेसँगै सरकारको राजश्व पनि बढेको छ ।
जेठ महिनामा सरकारले घरजग्गा कारोबारमार्फत तीन अर्ब ३३ करोड रुपैयाँ राजश्व सङ्कलन गरेको छ । वैशाखमा भने सरकारले घरजग्गा कारोबारमार्फत तीन अर्ब ८६ करोड रुपैयाँ राजश्व सङ्कलन गरेको थियो । जुन जेठ महिनाको तुलनामा १२.३० प्रतिशत कम हो ।
घरजग्गा कारोबारमार्फत प्राप्त हुने सबैभन्दा धेरै राजश्व रजिस्ट्रेसन दस्तुर र पुँजीगत लाभकरको छ । सरकारले घरजग्गा कारोबारबाट सेवा कर, रजिस्ट्रेसन दस्तुर, पुँजीगत लाभकर लगायतका विभिन्न शीर्षकमा राजस्व सङ्कलन गर्दै आएको छ ।
लामो समयदेखि सुस्त रहेको घरजग्गा कारोबार बढेपछि शिथिल अर्थतन्त्र पनि चलायमान हुने जानकारहरूले बताएका छन् ।
वि.सं.२०८१ असार ३ सोमवार १४:२७ मा प्रकाशित
