Sansar News
काठमाण्डौं । १४ बर्ष अगाडि लाखौ कोसिश गर्दा पनि तिमीलाई भुल्न गार्हो भो गीतमा संगीत भरेर चर्चा कमाएका गायक सरोज के लामाको शब्द संगीत र स्वरमा रहेको ’साझँ पर्नु अघी’ गीतको भिडियो सार्वजनिक भएको छ ।
यथार्थ कथामा निर्माण भएको गीति भिडियोमा प्रेम र विछोडलाई निकै आकर्षक ढंगबाट समेटिएको छ । एक सफल संगीतकार मात्र नभई सफल गीत रेकर्डिङ्ग स्टुडियो संचालक समेत हुन् लामा ।
साथी भेट्न गएकी प्रेमी आफुलाई गोधुली साँझ हुदाँ पनि नआएको तथा आफनो प्रेमीका अर्काको अगालोमा बेरिदाको विरही भावहरुलाई गीतमा चित्रण गरिएको छ । आफनो मायालाई सुन्दर ठाउँ पुर्याउनको लागि अग्रसर भएको अवस्थामा छोडेर प्रेमीका जादाँ आफुलाई अफ्ठ्यारो महसुस भएको कुरा गीतमा उल्लेख छ ।
सरोजराज गिरीको छायाँकन, रोशन धितालको सम्पादन तथा लामाको निर्देशनमा भिडियो तयार गरिएको छ ।
’साझँ पर्नु अघी’ राम स्यानताङ, पूर्णिमा मगर, विजय लामाको फिचरिङमा रहेको छ । गीतको भिडियो तथा अडियो पक्ष अब्बल भएको कारणले पनि आम दर्शक तथा स्रोताले मन पराउनेमा आफु आशावादी रहेको गायक लामाको विश्वास छ ।
वि.सं.२०८१ असार ४ मंगलवार १२:२४ मा प्रकाशित
