हामी सबैकाे संसारन्यूज

काठमाडौं । अर्थ मन्त्रालयले बजेट तथा कार्यक्रम महाशाखा प्रमुख रहेका सहसचिव रितेशकुमार शाक्यविरूद्ध भ्रष्टाचारको मुद्दा चलेपछि अर्थमा सहसचिवहरूको जिम्मेवारी हेरफेर गरेको छ ।

मन्त्रालयका अनुसार बजेट महाशाखा प्रमुखमा नरेन्द्र राना तोकिएका छन् । प्रशासन प्रमुख रहेका नारायण सापकोटालाई दुई हप्ता नबित्दै महालेखा नियन्त्रकको कार्यालयमा सरुवा गर्दै प्रशासन प्रमुखमा रामप्रसाद आचार्यलाई सरुवा गरेको छ ।

सापकोटालाई गत जेठ अन्तिम सातामा मात्रै प्रशासनको जिम्मेवारी दिइएको थियो । सुशीला अर्याललाई महालेखा नियन्त्रक कार्यालय र रामकुमार महतोलाई भन्सार विभागको उपमहानिर्देशकका रुपमा तोकिएको मन्त्रालयले जनाएको छ ।