हामी सबैकाे संसारन्यूज

काठमाडौँ । प्रतिनिधि सभाको सोमबार बसेको बैठक अन्तरगत शून्य समयमा नेपाली काङ्ग्रेसबाट सांसद बनेका दिलेन्द्रकुमार बडूले रुस युक्रेन युद्धको सेनामा भर्ती हुने क्रम अझै रोक्न नसकिएकाे बताएका छन् ।

उनले भने, ‘सरकारले रुस-युक्रेन सेनामा भर्ती हुने क्रमलाई रोक्ने जानकारी गरायो तर आँखा चिम्लने नीति लिएको हो कि गम्भीर वार्ता कतै भइरहेको हो । यसमा किन प्रगति हुन सकेन । जानकारी संसद्लाई चाहियो ।’

बडूले रुस युक्रेन युद्धमा मारिने र घाइतेहरूलाई राहत उपलब्ध गराउने चर्चा चले पनि अहिले सम्म कसैले नपाएको गुनासो गरे । उनले युद्धमा परेका परिवार अत्यन्त चिन्ता रहेको भन्दै प्रगति सम्बन्धी छिटो जानकारी दिन आग्रह गरे ।

‘इजरायल हमास युद्धमा कञ्चनपुरका नागरिक विपिन जोशीको पछिल्लो अवस्था अझै जान्न सकिएको छैन ।’ उनले भने, ‘जोशीको सन्दर्भमा पनि विस्तृत जानकारी गराउन अनुरोध गर्दछु ।’