हामी सबैकाे संसारन्यूज

गल्याङ । स्याङ्जामा एक किशोर मृत अवस्थामा फेला परेका छन् । जिल्लाको भीरकोट नगरपालिका ७ हेलुस्थित शिवालय मन्दिरको प्राङगणमा १९ वर्षीय राजेन्द्र माझी मृत अवस्थामा फेला परेको जिल्ला प्रहरी कार्यालय स्याङ्जाका सूचना अधिकारी तथा प्रहरी नायब उपरीक्षक इन्द्र बहादुर रानाले जानकारी दिए ।

रानाका अनुसार किशोर भीरकोट नगरपालिका ६ माझीगाउँका स्थानीय हुन् । शनिबार विहान करिब सात बजे किशोरलाई मृत अवस्थामा देखेपछि स्थानीयले प्रहरीलाई खबर गरेका थिए ।

मृतक किशोरको शव गह्रौ प्राथामिक स्वास्थ्य केन्द्र वालिङमा पोष्टमार्टम गरेपछि परिवारलाई बुझाइएको रानाले जनाए । घटनाको सम्बन्धमाथप अनुसन्धान भइरहेको छ ।