काठमाडौँ । प्रधानमन्त्री केपी शर्मा ओलीले चीन भ्रमण गर्ने भएका छन् । सचिवालयका अनुसार कात्तिक अन्तिम साता या मंसिर पहिलो साता भित्र उनी बेइजिङ भ्रमणमा निस्कन सक्ने छन् ।
स्रोतले परराष्ट्र मन्त्रालय र विकास योजनासँग सम्बन्धित मन्त्री तथा सचिव डाकेर चीनसँगका सम्झौताको प्रगतिबारे फलोअप गर्न प्रधानमन्त्रीले निर्देशन दिएका छन् ।
सन् २०१७ मै बीआरआई फ्रेमवर्कमा समझदारी भइसके पनि कार्यान्वयनमा ढिलासुस्ती भएको छ । बेइजिङ भ्रमणको तयारीका क्रममा प्रधानमन्त्रीले बीआरआईलगायत अन्य चिनियाँ सम्झौताको प्रगतिबारे चासो राखेका छन् ।
प्रधानमन्त्री ओलीले चीन भ्रमणका क्रममा चीनसँगको आर्थिक विकास फ्रेमवर्क बीआरआई, ऊर्जा तथा व्यापार लगायत विषयमा छलफल हुन सक्ने स्रोतको दाबी छ ।
वि.सं.२०८१ कात्तिक ११ आइतवार १६:३२ मा प्रकाशित
