हामी सबैकाे संसारन्यूज

कााठमाडौँ । इतिहास देखी बर्तमानसम्म गणतन्त्र प्राप्तीका लागि शसस्त्र संघर्षको अग्रमोर्चामा सहभागी भएर योगदान दिने गणतन्त्र योद्धाहरुलाई सम्मान गर्ने मुख्य उद्धेश्य राखेर स्थापित गणतन्त्र सेनानी कोषले गणतन्त्र सेनानी सम्मान गर्ने भएको छ ।

मंगलबार मध्यान्ह १२.१० बजे राष्ट्रिय नाँचघर जमलमा गणतन्त्रका प्रथम प्रधानमन्त्री पुष्पकमल दाहाल प्रचण्डको प्रमुख आतिथ्यतामा गणतन्त्रका सेनानीहरुलाई सम्मान गरिने भएकाो हो ।

नेपालमा गणतन्त्रको सपना २००७ साल र त्यसअघि र पछी भएका सानाठुला शसस्त्र प्रयासहरुमा स्पष्ट झल्किएतापनि ती सबै शहीद एवं योद्धाहरुको संघीय गणतन्त्र नेपालको सपनालाइ शाकार पार्ने कार्य २०५२ साल फागुन १ गते शुरु भएको शसस्त्र जनयुद्ध, त्यस आधारमा श्रृजना भएको ६२÷६३ को जनआन्दोलन र मधेश आन्दोलनले गरेको हो ।

गणतनन्त्र सेनानी कोषले क्रमसः इतिहास देखी बर्तमानसम्मका योद्धाहरुलाइ सम्मान गर्दै उनीहरुको योगदानलाइ स्थापित गर्दै जानेछ । यसपटक गणतन्त्र सेनानी सम्मानको उद्घाटन स्वरुप कोषले गणतन्त्र नायकका रुपमा जनयुद्धका सर्बोच्च कमाण्डर तथा गणतन्त्रका प्रथम प्रधानमन्त्री क.प्रचण्डलाई सम्मान गर्नेछ ।

त्यसैगरी जनमुक्ति सेनाका डेपुटी कमाण्डर एवं पूर्व सम्माननीय उपराष्ट्रपती नन्दकिशोर पुन पासाङ, डेपुटी कमाण्डरहरु मा.पूर्व अर्थ एवं उर्जा मन्त्री बर्षमानपुन अनन्त, मा.पूर्व अर्थ, गृह एवं उर्जा मन्त्री जनार्दन शर्मा प्रभाकर र मा.पूर्व कृषि मन्त्री चन्द्रप्रकाश खनाल बलदेवलाई गणतन्त्र कमाण्डरको रुपमा सम्मान गर्नेछ ।

त्यसैगरी यसपटक तोकिएको मापदण्डभित्र परेका बागमती प्रदेशको १३ वटा जिल्लाबाट एक–एकजना र सांस्कृतिक योद्धाबाट समेत गरी १५ जनालाई गणतन्त्र सेनानी सम्मान गरिनेछ । सम्मान ताम्रापत्र, दोसल्ला र योद्धाहरुको प्रतिक स्वरुप निर्मित पदकबाट गरिनेछ ।

कोषले यसपछीका सम्मान कार्यक्रमहरुलाई व्यवस्थित गर्दै देशव्यापी गणतन्त्र योद्धाहरुको खोजी, सम्मान एवं उनीहरुको योगदानलाई लिपिवद्ध गर्दै जाने प्रकृयालाइ समेत नीरन्तरता दिने बताएको छ ।