हामी सबैकाे संसारन्यूज

 १२ जेठ,  काठमाडौँ ।  बार्सिलोनाको नँया प्रशिक्षकमा एरनेस्टो बलबर्दे बन्ने लगभग पक्का भएको छ । स्पेनिश क्लब एथलेटिको बिल्बाओको प्रशिक्षक रहेका बलबर्दे यो सिजनका अन्त्य सगैँ बिल्वाओ छाडेर बार्सिलोना जाने लागेको स्पेनिश सञ्चार माध्यमहरुले जनाएका छन् । वर्तमान प्रशिक्षक लुइस इनरिकेले क्लब छाड्ने घोषणा गरे सँगै बार्सिलोनाको आगामी प्रशिक्षक को हुन्छ भन्ने कुरा सर्वत्र चासोको विषय बनेको थियो । ३ वर्षसम्म बार्साको प्रशिक्षक रहेर काम गरेका इनरिकेले गत मार्चमा क्लब छाड्ने घोषणा गरेका थिए ।

स्रोतका अनुसार मे २९ मा बार्सिलोनाले मुख्य प्रशिक्षक नियुक्तीको घोषणा गर्दै छ । बार्सिलोनाका पुर्व खेलाडी रहेका बलबर्दे सन् १९८८ देखि १९९० सम्म बार्सिलानाबाट फुटबल खेलेका थिए । उनले प्रशिक्षकको रुपमा ५ वटा युरोपियन क्लबमा मुख्य प्रशिक्षक भएर काम गरिसकेका छन् ।