हामी सबैकाे संसारन्यूज

काठमाडौं । आज बिहान सिन्धुपाल्चोकको फुल्पिङकोट केन्द्रविन्दु भएर भुकम्प गएको छ ।

राष्ट्रिय भूकम्प मापन तथा अनुसन्धान केन्द्रका अनुसार आज ११ बजेर ५३ मिनेट जाँदा ४.१ म्याग्निच्युडको भूकम्प गएको हो । सिन्धुपाल्चोक नजिकै रहेका जिल्लाहरुमा पनि भुकम्प महसुस गरिएको छ तर यस्ले क्षति भने पुराएको छैन ।

एक दशक अगाडीको भूकम्प नेपालीहरुको स्मृतिमा रहि रहेको छ । २०७२ साल वैशाख १२ गते गोरखाको बारपाक केन्द्रविन्दु भएर ७.८ म्याग्निच्युडको भूकम्प नेपालीहरुको मनमा ताजै रहेको छ । त्यतिबेला ९ हजार भन्दा बढी मानिसको ज्यान जानुका साथै सबैभन्दा बढी क्षति पनि सिन्धुपाल्चोकमा भएको थियो ।