हामी सबैकाे संसारन्यूज

काठमाडौं । आज बिहान रसुवाको भोटेकोशीमा आएको बाढीमा बेपत्ता भएका १८ जनाको परिचय खुलेको छ ।

गोसाइकुण्ड गाउँपालिका २ स्थित रसुवागढीमा चीनतर्फ परेको अबिरल वर्षाका कारण आएको भीषण बाढीले बगाएर बेपत्ता भएका तीन प्रहरी, ९ नेपाली र ६ चिनियाँ गरी १८ जनाको परिचय खुलेको हो ।

सशस्त्र प्रहरीका अनुसार बेपत्ता चिनियाँ नागरिकहरुमा YU YUE, LI HUAQING, YANG CHUAN, YU HAI HANG, YOU XIAO QIU र JOU YONG छन् ।

त्यस्तै नेपालीहरुमा जिपन चौधरी, सन्तोष दइत, बुद्धिराम थारु, लक्ष्मीनारायण थारु, सुरेश थारु, बाग्लुङका नरेन्द्र विक, कन्टेनर चालक फुर्वा लामा, मिक्चर चालक गोविन्द मोक्तान, हाइलक्स चालक लोकमान तामाङ रहेका छन् ।

उनीहरु सबैको खोजी कार्य जारी रहेको प्रहरीले जनाएको छ । यस्तै १ नेपाल प्रहरी, १ सशस्त्र प्रहरी बल नेपाल र ७ स्थानीय मानिस गरी ९ जनाको उद्धार गरिएको छ ।