हामी सबैकाे संसारन्यूज

नेकपा माओवादी केन्द्रका उपमहासचिव जनार्दन शर्मा ‘प्रभाकर’ले दिने गरेका अभिव्यक्ति र लिने गरेका अडानका कारण नेकपा माओवादी केन्द्र पटकपटक विवादमा फस्ने गरेको छ । शर्माले माओवादी केन्द्रको नेतृत्व एउटै पुस्तामा घुमिरहेको भन्दै दोस्रो पुस्तामा हस्तान्तरण हुनुपर्ने आवाज उठाउँदै आएका छन् । उनले एकवर्ष यता प्रचण्डको खरो आलोचना गर्दै आएका छन् । जनमानसमा जनार्दनशर्माको अभिव्यक्ति र अडानका कारण बेलाबेला पार्टी फुट्न सक्ने चर्चा समेत चलेको हुन्छ ।

पछिल्लोपटक काठमाडौंमा भएको एक कार्यक्रममा मनमोहनबाहेक नेपालका सबै कम्युनिस्ट प्रधानमन्त्रीहरू भ्रष्ट रहेको आरोप लगाएपछि माओवादी केन्द्रमा शर्माको शर्माको चर्को आलोचना भएको छ । अधिकाँस नेताहरुले शर्माको उक्त अभिव्यक्तिको आशय प्रचण्ड समेत भ्रष्ट हुन् भन्ने देखिन आएको भन्दै अभिव्यक्ति फिर्ता लिएर माफि माग्नुपर्ने बताउने गरेका छन् ।

रुकम पश्चिममा प्रतिनिधि सभामा निर्वाचित हुँदा अत्याधिक मत पाएर विजयी भएका शर्मामा छुट्टै आत्म विश्वास छ । जनयुद्धको उद्गम भूमि र आधार इलाका समेत रहेको रुकुम पश्चिाममा माओवादीप्रति बाक्लो जनाधार बाँकी रहेका कारण समेत शर्मा माओवादीमा आफू उत्कृष्ट रहेको घमण्ड गर्छन् ।

प्रचण्ड प्रधानमन्त्री, शर्मा उर्जा मन्त्री र कुलमान घिसिङ नेपाल विद्युत प्राधिकरणको कार्यकारी निर्देशक भएको बखत १८ घण्टा लामो लोडसेडिङको अन्त्य भएको थियो । लोड सेडिङ अन्त्य पश्चात जनताको अपार माया पाएपछि शर्मामा घमण्ड झन् उक्लियो । शर्मा विधान महाधिवेशनमा नेतृत्व हस्तान्त्रण सम्बन्धी मस्यौदा ल्याएर कहिले माओवादीलाई लामो समय विवादित बनाउँछन्, कहिले नेतृत्वविरुद्ध तथानाम बोलेर लोक हसाउँछन् । कहिले विभिन्न संगठनमा प्रचण्डका विरुद्धमा उम्मेदवार खडा गरेर पार्टी गुटउपगुटको चङ्गुरमा छ भन्ने पुष्टि गर्न चाहान्छन् ।

माओवादी केन्द्रका अध्यक्ष पुष्पकमल दाहाल प्रचण्ड विगत २६ वर्षदेखि नेतृत्वमा छन् । तर उनी पार्टीको नेतृत्व गरेर हात बाँधेर बसेको देखिन्न । दश वर्षे जनयुद्धमा उनको नेतृत्व अपरिहार्य थियो । शान्ति सम्झौता पश्चात संविधान निर्माण, संघियता कार्यन्वयन तथा समग्र देशको विकास र उन्नतीका लागि घोडाको गतिमा दौडिरहेका छन् । उनी माओवादीका शिर्ष नेताहरु पालैपालो पार्टी छोडेर जाँदा समेत अताल्लिएनन् । पार्टीलाई थप बलियो बनाउन र जनयुद्धद्वारा प्राप्त उपलब्धिहरुको रक्षार्थ आज सम्मपनि क्रियशिल छन् ।

रुकुम पश्चिमको चौरजाहारीमा भएको घटनामा नवराज विकसहित छ जनाको भेरी नदीमा हत्या गरिएको भनेर अदालतले समेत फैसला गरेको छ । घटना लगत्तै संसदको रोष्टमबाट शर्माले नवराजसहित छ जनाको हत्या नगरिएको उनीहरु आफै नदीमा पसेर मरेको व्रिफिङ गरेका थिए । माओवादीको जन्म उत्पीडित वर्ग समुदायको उत्थान र अधिकारका लागि भएको हो । जनयुद्धमा सबैभन्दा धेरै दलित समुदायले रगत बगाएका छन् । तर शर्माले संसदमा दिएको अभिव्यक्तिले ठुलो संख्यामा दलित समुदायकाो मन दुखेको छ ।

झट्ट हेर्दा प्रचण्डको शासन तानाशाह र एकात्मक जस्तो देखिन सक्छ । तर, प्रचण्ड जत्तिको नेता माओवादीमा हाल सम्म कोही नभएकालले उनी निर्विकल्प हुन् । वैद्य, बाबुराम, बादलहरुको बहिरगमन पश्चात प्रचण्डले पार्टीलाई थप क्षति हुन दिएनन् । बरु आफू प्रधानमन्त्री भएका बेला भ्रष्टचारीहरुलाई हायलकायल बनाएर माओवादीलाई जनताको लोकप्रिय बनाए । तराई मधेश यात्राका क्रमममा प्रचण्ड विहानदेखि साँझ सम्म जनताका घरमा पुगे । यता सचिव शर्मा भने काठमाडौमा गुमनाम भए । मध्यपहाडी लोकमार्ग केन्द्रित यात्रामा शर्मा रुकुममा भएको सभामा झुलुक्क देखिएर पुनः गुमनाम भए ।

शर्मा उत्पीडित, गरिब तथा सर्बहारा वर्गको घरदैलौमा देखिँदैनन् । आफ्ना परिवारका सदस्य मध्ये सबै भन्दा धेरै राजनीतिक नियुक्ति दिने शर्मा अग्र पंक्तिमा रहेको आरोप लाग्ने गरेको छ । रुकुम पश्चिमको चौरजाहारीमा भएको घटनामा नवराज विकसहित छ जनाको भेरी नदीमा हत्या गरिएको भनेर अदालतले समेत फैसला गरेको छ । घटना लगत्तै संसदको रोष्टमबाट शर्माले नवराजसहित छ जनाको हत्या नगरिएको उनीहरु आफै नदीमा पसेर मरेको व्रिफिङ गरेका थिए । माओवादीको जन्म उत्पीडित वर्ग समुदायको उत्थान र अधिकारका लागि भएको हो । जनयुद्धमा सबैभन्दा धेरै दलित समुदायले रगत बगाएका छन् । तर शर्माले संसदमा दिएको अभिव्यक्तिले ठुलो संख्यामा दलित समुदायकाो मन दुखेको छ ।

यता अर्का उपमहासचिव वर्षमान पुन ‘अनन्त’ले पार्टी अध्यक्ष ‘प्रचण्ड’ लाई नेपाली राजनीतिको ‘ब्राण्ड’ को संज्ञा दिएका छन् । अखिल क्रान्तिकारीको काठमाडौंमा आयोजित कार्यक्रममा उनले प्रचण्डको नेतृत्वमा जनयुद्ध, शान्ति प्रक्रिया र संविधान निर्माण भएको उल्लेख गर्दै समाजवादको आधार निर्माणका लागि उनको नेतृत्व अझै आवश्यक रहेको बताए । पुनले प्रचण्डलाई परिवर्तनको ब्राण्डका रूपमा स्थापित भएको र उनको ‘ब्राण्ड भ्यालु’ उच्च रहेको दाबी गरे । यद्यपि, प्रचण्डले पनि आफूलाई आत्मरूपान्तरण गर्नुपर्ने बताए । उनको यो अभिव्यक्तिले पनि प्रचण्ड निर्विकल्प नेतृत्व हुन् भन्ने पुष्टि गर्दछ ।

यो पनि पढ्नुहोस्
प्रचण्डसँग विद्याको मञ्च सेयरिङ : उद्देश्य बृहत कम्युनिष्ट एकता

प्रचण्डले जनयुद्धदेखि वर्तमानसम्म जुनजुन कदम चालेका छन्, ती कदम उत्कृष्ट छन्, पार्टी, देश र जनताको पक्षमा छन् । माओवादीमा नेतृत्वविरुद्ध बोल्ने, पार्टी फुटाएर जाने वा पार्टी छोडेर अन्य पार्टीमा प्रवेश गर्ने नेताहरुको हविगत देश दुनियालाई थाहा छ । मोहन बैद्यले प्रभावशाली नेताहरुलाई लिएर पार्टी फुटाए । उनको पार्टीको अवस्था प्राणको मसिनो त्यान्द्रो मात्र बाँकी छ । बाबुराम भट्टराईले पनि पार्टी फुटाए । उनले चार वटा पार्टी फेरेर पुनः नेपाल समाजवादी पार्टी (नयाँ सक्ति) बनाए । तर उनको पार्टीको नेपाली राजनीतिमा कुनै प्रभाव र अर्थ छैन । माओवादीबाट फुटालेर अन्य पार्टी बनाएका गोपाल किराँती, विश्वभक्त दुलाल आहुती, प्रभु साह लगाएतका नेताले नेतृत्व गरेका पार्टीले नेपाली राजनीतिमा माखो समे मार्न सकेका छैनन् । रामबहादुर थापा, टोपबहादुर रायमाझी, लेखराज भट्ट, मणि थापा लगायतका नेताहरु एमालेमा अस्तित्व विहिन छन् । त्यहाँ न उनीहरुलाई कसैले खोजी गर्छन्, न उनीहरुको मान मनितो छ । आफूले लामो संघर्ष गरेको, रगत र पसिना बगाएको महान जनयुद्धलाई हिंसा भन्दा चुइक्क बोल्न सक्दैनन् । बरु केपी ओलीको विश्वास पात्र बन्न जनयुद्ध हिंसा नै हो भनेर ठोकुवा गर्छन् ।

शर्माले गर्ने गरेको पटकपटकको नेतृत्वविरुद्धको प्रहार समग्रमा पार्टीको नेतृत्व गर्ने आफ्नो इच्छा भएकाले गरे जस्तो देखिन्छ । यद्यपी उनले आफूले नेतृत्व गर्ने इच्छाले त्यसो नगरेको बताउँछन् । पार्टीलाई विधि विधानमा चलाउनका लागि नेतृत्व परिवर्तन सम्बन्धि विषयमा बोल्ने गरेको दाबी गर्छन् । पार्टीले लय समातेको छ । पार्टीप्रति जनताको आस्था, विश्वास बढ्दो छ । माओवादी छाडेका नेता फर्कने क्रम सुरु भएको छ । यस्तो शर्माका गतिविधि गलत छन् । नेतृत्वका सम्पूर्ण गतिविधि पार्टी हित अनुकुलका भएकाले पनि शर्माका कदम गलत ठहरिन्छन् ।

प्रचण्डका पक्षमा माओवादी केन्द्रमा ठुलो मत जीवीत छ । शर्माको प्रस्ताव सहमतिमा वा मतदानबाट पुरा हुने सम्भावना समेत छैन । शर्मा नेतृत्वविरुद्धका गतिविधि गरिरहन्छन भने पार्टी काममा उनलाई कुनैपनि सहयोग हुने छैन । उनको समर्थन गरिरहेका नेताहरुले जरुर उनको साथ छोड्ने देखिन्छ । नयाँ पार्टी बनाउँछन् भनेपनि देशैभर शर्माको प्रभाव छैन । रुकुमको जनाधार हेरेर उनले पार्टी फुटाउँछन् भने उनको दशा बैद्य, बाबुरामको जस्तै हुने छ ।