हातेमालोचोक, पर्वत । पैयुँबासी आम जनताको लागि खुसिको खबर प्राप्त भएको छ । गाउँपालिका अध्यक्ष राजमल्ल ठकुरीका अनुसार पैयुँ आधारभूत अस्पताल पैयूँ अब स्वास्थ्य बिमाको लागि स्वास्थ्य बिमा बोर्डमा सुचिकृत भएको जानकारी प्राप्त भएको छ ।
यो काम शूरु हुदासाथ बिमितहरुको पहिलो उपचार पैयुँमै हुने र त्यहाँ नभएको खण्डमा सुबिधासम्पन्न अस्पतालमा रिफर हुनेछ । यसअघि पैयुँका अधिकांश नागरिक वालिङबाट सेवा लिन बाध्य थिए । पर्वतमा कुश्मा अस्पताल, लंखु र ठुलीपोखरी यसअघि नै प्रथमबिन्दु मानिएका थिए ।
केहि बर्ष अगाडि देखी नै यो उठेको पैयुँका जनताको आवाज सम्बोधन गर्न प्रयास र पहलकदमी भैरहेका थिए । पालिका प्रमुख ठकुरीले यो आवाज सुनेको भन्दै बिशेष पहल गरिदिनुहुने स्वास्थ मन्त्री प्रदिप पौडेल लगायत सम्बद्ध सबैमा हार्दिक आभार ब्यक्त गरेका छन् ।
जनताले सुबिधा पाउने भएकोमा ठकुरीले संसारन्यूजसँग प्रसन्नता ब्यक्त गरेका छन् ।
वि.सं.२०८२ साउन २८ बुधवार ११:०४ मा प्रकाशित
