Sansar News
भैरहवा (रुपन्देही) । लुम्बिनी सांस्कृतिक नगरपालिकाका नगर प्रमुख सजरुद्दिन मुसलमानको निधन भएको छ ।
लामो समयदेखि मुटु रोगबाट बिरामी रहेका मुसलमानको शनिबार बिहान ९ बजे हृदयाघातका कारण आफ्नै निवासमा निधन भएको पारिवारिक स्रोतले जनाएको छ ।
परम्परागत रूपमा आज साँझ ५ः०० बजे स्थानीय कब्रिस्तानमा प्रमुख सजरुद्दिनको अन्त्येष्टि गरिने लुम्बिनी सांस्कृतिक नगरपालिकाका समन्वयकर्ता तुलसीराम लामिछानेले जानकारी दिए । सजरुद्दिन नेपाली कांग्रेसको तर्फबाट लुम्बिनी सांस्कृतिक नगरपालिकामा निर्वाचित भएका थिए ।
वि.सं.२०८२ भदौ १४ शनिवार ११:३५ मा प्रकाशित
