हामी सबैकाे संसारन्यूज

काठमाडौं । सिराहामा बालकको अपहरण पछि हत्या भएको घटनामा प्रहरीले ८ जनालाई पक्राउ गरेको छ ।

आज बिहान गोलबजार नगरपालिका–१३ भेल्हा डंगराहाका १५ वर्षीय बालक अभिषेक सिंहको अपहरणपछि हत्या भएको अवस्थामा शव फेला परेको थियो ।

बालकको शव घर नजिकै भेटिएका कारण उनका आफन्त वा छिमेकहरू कसैले अपहरण गरी हत्या गरेको हुनसक्ने आशंकामा प्रहरीले छरछिमेकी र आफन्तलाई नियन्त्रणमा लिएर अनुसन्धान अघि बढाएको हो । उद्यपी अनुसन्धानकै क्रममा रहेकोले प्रहरीले पक्राउ परेकाहरूको नाम भने गोप्य राखेको छ ।

जिल्ला प्रहरी कार्यालय सिरहाका सूचना अधिकारी प्रहरी निरीक्षक धर्मेशकुमार यादवका अनुसार आज बिहान बालकको शव घरभन्दा केही पर आँप बगैंचामा फेला परेको हो । तिनदेखि बेपत्ता बालक अपहरणमा परेको भन्दै सोमबार बिहान परिवारलाई ५ करोड फिरौती रकम माग गरिएको थियो ।