Sansar News
काठमाडौं । जिल्ला प्रसाशन काठमाडौंले रातको समयमा बाहिरी जिल्लाबाट काठमाडौं आवत–जावत नगर्न आग्रह गरेको छ ।
सहायक प्रमुख जिल्ला अधिकारी अशोक कुमार भण्डारीले एक जरुरी सूचना जारी गर्दै मौसम प्रतिकूलताका बावजुत अनावस्यक यात्रा नगर्न आग्रह गरेका हुन् ।
मौसमविद्हरुले यहि असोज १७ गतेदेखि २० गतेसम्म देशैभरी भारी वर्ष हुने त्यसले जोखिम निम्त्याउने भन्दै सतर्कता अपनाउन अनुरोध गरेसँगै कार्यालयले यस्तो सूचना जारी गरेको हो ।
‘असोज १७ गतेदेखि २० गतेसम्म जिल्लामा भारी वर्षा हुने र सोबाट जोखिमयुक्त, स्थानहरुमा बाढी, पहिरो, भू–क्षय जस्ता विपद्जन्य घटनाहरु घट्न् सक्ने सम्भावना भएको हुँदा उल्लेखित मितिसम्म आ–आफ्नो स्थानमा रहि सतर्कता र सावधानी अपनाउन हुन, अत्यन्त जरुरी नभएसम्म उक्त अवधिमा लामो दूरीको यात्रा नर्गनुहुन, काठमाडौंबाट बाहिर जाने र काठमाडौं प्रवेश गर्ने महानुभावहरुले रातको समयमा यात्रा नगर्नहुन अनुराध छ ।’ कार्यालयद्धारा जारी सूचनामा उल्लेखछ ।
वि.सं.२०८२ असोज १७ शुक्रवार १३:३४ मा प्रकाशित
