हामी सबैकाे संसारन्यूज

सेसेल्स । सेसेल्समा काम गर्ने क्रममा दुर्घटनामा परेका रन बहादुर थापालाई एनआरनए सेसेल्सको समन्वयमा आर्थिक सहयोग गरिएको छ ।

धादिंङ घर भई हाल सिसेल्सको सनशाइन कम्पन भिक्टोरिया माहे सेसेल्समा कार्यरत थापालाई एनआरएन सेसेल्सको समन्वय र सेसेल्समा कार्यरत नेपालीहरुबाट सामुहिक संकलन गरिएको (सी रु १२,३८९) ने रु १,१५,२११ (एक लाख, पन्ध्र हजार दुई सह्य एघार) उपचारका लागि सहयोग हस्तान्तरण गरिएको हो ।

बिगत लामो समयदेखि सनसाइन कम्पनी सेसेल्समा मेसन काम गर्दै आएका थापाको टाईल काट्ने मेसिन (ग्रेण्डर) ले काट्दा बायाँ हातको एउटा औंला गुमाएका छन् भने अन्य औंलाको शल्यक्रिया गर्नुपर्ने भएपछी सम्बन्धित कम्पनीले नेपाल गएर उपचार गर्न अनुरोध गरेको थियो ।

परिवारको आर्थिक अवस्था कमजोर रहेका तथा कम्पनीले उपचारका लागि आवस्यक पर्ने आर्थिक रकममा कुनै चासो नदेखाएपछी एनआरएनए सेसेल्सले नेपालमा गरिएको विमा लगातमा सहजीकरण गर्नुका साथै आर्थिक सहयोग संकलनमा समन्वय सुरु गरेको हो ।

सेसेल्समा कार्यरत मनकारी सहयोगी दाताहरुको सामुहिक संकलन रकम एनआरएनए सेसेल्सका कोषाध्यक्ष खड्क राज पुन मगर बिरामीको निवासमै पुगेर हस्तान्तरण गरेका थिए । एनआरएनए सिसेल्स सबै सहयोगी दातामा धन्यवाद ज्ञापन गरेको छ ।