Sansar News
काठमाडौँ । आज देशभर विश्व विकास सूचना दिवस विभिन्न कार्यक्रमसहित मनाइँदैछ । सन् १९७२ मा संयुक्त राष्ट्रसंघको साधारण सभाले २४ अक्टोबरका दिनलाई विश्व विकास सूचना दिवसका रूपमा मनाउने निर्णय गरेपछि हरेक वर्ष यो दिवस मनाउने परम्परा सुरु भएको हो ।
सूचना र सञ्चार प्रविधिले विश्वमा विकासका नयाँ अवसर र चुनौती समाधानका सम्भावना देखाएको छ । यस दिवसको उद्देश्य आर्थिक वृद्धि, प्रतिस्पर्धा, सूचना र ज्ञानको पहुँच, गरीबी उन्मूलन र सामाजिक समावेशजस्ता विषयमा जनचेतना अभिवृद्धि गर्नु रहेको छ ।
संयुक्त राष्ट्रसंघले सूचनाको पहुँच र प्रवाहले युवामाझ विकासका समस्याबारे सचेतना जगाउने र अन्तर्राष्ट्रिय सहकार्यलाई बल दिने विश्वास लिएको छ । यसै माध्यमबाट सूचना प्रविधि विकासको मुख्य आधारका रूपमा स्थापित हुँदै गएको बताइन्छ ।
वि.सं.२०८२ कात्तिक ७ शुक्रवार ०८:०६ मा प्रकाशित
