हामी सबैकाे संसारन्यूज

काठमाडौं । हेटौंडास्थित चुरे हिल अस्पतालमा कार्यरत डाक्टर सुशिल शाह कुटिएका छन् । बुधबार साँझ बिरामीको उपचार प्रक्रिया र भर्नाका विषयमा विवाद हुँदा अर्थोपेडिक सर्जन डा. शाहमाथि विरामीका आफन्तले हातपात गरेका हुन् ।

दुर्घटना भएर उपचारका लागि ल्याइएका बिरामी रिफर गर्ने विषयमा विवाद हुँदा हेटौंडा–११ निवासी अजित विडारीले डा. शाहलाई धकेल्नुको साथै मुक्का प्रहार गरेको अस्पतालका डाइरेक्टर डा. आकेश प्रजापतिले जानकारी दिए ।

यद्यपी डा. शाहलाई खासै चोटपटक नलागेको जिल्ला प्रहरी कार्यालय मकवानपुरले जनाएको छ । घटनाबारे कुनै उजुरी नआए पनि आफूले सो विषयमा अनुसन्धान गरिरहेको र हातपात गर्ने व्यक्तिको पहिचान गरी खोजीकार्य भइरहेको उनले बताए । डा शाहले आफुमाथि हातपात गर्नेविरुद्ध प्रहरीमा उजुरी दिने तयारी गरेका छन् ।