Sansar News
काठमाडौं । नेकपा एमाले संसदीय दलका नेता सरोज यादव मधेश प्रदेशको नयाँ मुख्यमन्त्री नियुक्त भएका छन् ।
आइतबार बेलुका मुख्यमन्त्री नियुक्त भएका यादवलाई मधेश प्रदेश प्रमुख सुमित्रा सुवेदी भण्डारीले सोमबार बिहानै बर्दिबासस्थित एक होटलमा मुख्यमन्त्रीको शपथ ग्रहण गराएकी हुन् ।
संविधानको धारा १६८ (३) बमोजिम यादव प्रदेश सभाको ठूलो दलको हैसियतमा मधेश प्रदेशको नयाँ मुख्यमन्त्री बनेका हुन् ।
प्रदेश सभाबाट विश्वासको मत नपाउने भएपछि केही दिनअघि मात्र जितेन्द्र सोनलले मुख्यमन्त्री पदबाट राजीनामा दिएका थिए ।
वि.सं.२०८२ कात्तिक २४ सोमवार ०८:१२ मा प्रकाशित
