हामी सबैकाे संसारन्यूज

काठमाडाैँ । नेपाल बीमा प्राधिकरणको आयोजनामा मङ्सीर २६ गते सिरहाको लहानमा बीमा कम्पनीका शाखा कार्यालय प्रमुखहरूसँग बीमा सम्बन्धी समसामयिक विषयमा छलफल तथा अन्तरक्रिया कार्यक्रम सम्पन्न भएको छ।

कार्यक्रममा प्राधिकरणका निर्देशक कुन्दन सापकोटाले बीमा ऐन, नियम तथा निर्देशिकाको पालना गर्दै बीमा व्यवसाय सञ्चालन गर्न निर्देशन दिए। उनले बीमा क्षेत्रको विकास र विस्तारका लागि प्रदेश कार्यालयसँग समन्वय गरी गाउँस्तरसम्म पुग्न तथा कृषि तथा पशुपन्छी बीमाको प्रवर्द्धनमा जोड दिन आग्रह गरे।

कार्यक्रममा सहभागीहरूले बीमा अनुसन्धान तथा विकास, कर्मचारी तालिम, सीमा क्षेत्रमा बीमा सचेतना, कृषि बीमाको प्रवर्द्धन र सीएसआर रकम प्रदेशमै खर्च गर्ने व्यवस्था आवश्यक रहेको धारणा राखेका थिए। कार्यक्रममा सिरहा जिल्लास्थित जीवन तथा निर्जीवन बीमा कम्पनीका शाखा प्रमुखहरूको सहभागिता रहेको थियो।