काठमाडौँ । दिक्षा फाउन्डेशनको वार्षिक भेटघाट कार्यक्रम आइतबार काठमाडौँको वालुवाटारमा भव्य रूपमा सम्पन्न भएको छ । कार्यक्रम संस्थाका अध्यक्ष शोश्रीन शर्माको सभापतित्वमा सम्पन्न भएको थियो ।
कार्यक्रममा समाज कल्याण परिषद्का कार्यकारी सदस्य दिनेश राज सापकोटा प्रमुख अतिथिका रूपमा सहभागी थिए । साथै ड्यानियल लि लेनी र किलियन उइवर विशेष अतिथिका रूपमा उपस्थित रहेका थिए ।
कार्यक्रमको प्रारम्भमा संस्थाका प्रतिनिधि माधव कुमार धमलाले स्वागत मन्तव्य व्यक्त गर्दै उपस्थित सम्पूर्ण महानुभावहरूलाई स्वागत गरेका थिए ।
त्यसैगरी संस्थाकी प्रतिनिधि आश्मा के.सी.ले आर्थिक वर्ष २०८२ मा धादिङ, काभ्रे, काठमाडौँ, गोरखा र तनहुँ लगायतका जिल्लाहरूमा सञ्चालन गरिएका विभिन्न गतिविधिहरूको बारेमा जानकारी गराएकी थिइन् ।
कार्यक्रममा संस्थाबाट सहयोग प्राप्त विद्यार्थीहरूको प्रतिनिधित्व गर्दै सन्तोषी थापाले आफ्नो अनुभव साझा गर्दै संस्थाप्रति कृतज्ञता व्यक्त गरिन् ।
यसै अवसरमा ड्यानियल लि लेनीलाई नेपाल तथा नेपाली कृषक र समुदायमा विगत तीन दशकदेखि पु¥याउँदै आएको योगदानका साथै संस्थाका विभिन्न कार्यक्रमहरूमा दिएको सहयोगको कदर गर्दै सम्मानपत्र प्रदान गरिएको थियो ।
कार्यक्रममा सहभागी विभिन्न संघसंस्थाका प्रतिनिधिहरूले मन्तव्य राख्दै दिक्षा फाउन्डेशनको कार्यप्रति प्रशंसा गर्दै शुभकामना व्यक्त गरेका थिए ।
प्रमुख अतिथि दिनेश राज सापकोटाले पनि संस्थाको प्रयासको सराहना गर्दै धन्यवाद तथा शुभकामना व्यक्त गरेका थिए ।
अन्त्यमा संस्थाका अध्यक्ष तथा कार्यक्रमका सभापति शोश्रीन शर्माले उपस्थित सबैप्रति आभार प्रकट गर्दै कार्यक्रमको समापन गरेका थिए ।
उक्त कार्यक्रमबारे जानकारी संस्थाका सचिव सन्तोष धमलाले संसार न्यूजलाई दिएका हुन् । कार्यक्रममा संस्थाका पदाधिकारीहरू तथा विभिन्न क्षेत्रका प्रबुद्ध व्यक्तित्वहरूको उल्लेखनीय उपस्थिति रहेको थियो ।
वि.सं.२०८२ चैत ३ मंगलवार १७:५८ मा प्रकाशित
