हामी सबैकाे संसारन्यूज

काठमाडाैँ । काठमाडौंमा पूर्वप्रधानमन्त्री केपी शर्मा ओली र नेपाली कांग्रेसका नेता रमेश लेखकको पक्राउविरुद्ध सर्वोच्च अदालतमा बन्दी प्रत्यक्षीकरणको निवेदन दर्ता गर्ने तयारी गरिएको छ।

उनीहरूलाई गैरकानुनी रूपमा पक्राउ गरेर थुनामा राखिएको आरोप लगाउँदै दुवै पक्षले छुट्टाछुट्टै निवेदन पेश गर्ने तयारी गरेका हुन्। ओलीको पक्षबाट उनकी पत्नी राधिका शाक्यले निवेदन दर्ता गर्ने बताइएको छ भने एमालेसँग सम्बद्ध कानून व्यवसायीहरूले मुद्दा लड्नेछन्।

जेनजी आन्दोलनसँग सम्बन्धित दमनको आरोपमा ओली र लेखकलाई चैत १४ गते बिहानै उनीहरूको निवासबाट नियन्त्रणमा लिइएको थियो।

यस घटनाप्रति नेकपा एमालेले कडा आपत्ति जनाउँदै गिरफ्तारीलाई पूर्वाग्रही र गैरकानुनी भन्दै राजनीतिक र कानुनी दुवै माध्यमबाट प्रतिवाद गर्ने जनाएको छ।