Sansar News
काठमाडौँ । निर्वाचन समीक्षा र पार्टी पुनर्गठनका लागि सुझाव सङ्कलन गर्न गठित नेकपा एमालेका उपाध्यक्ष रामबहादुर थापा नेतृत्वको कार्यदलको बैठक असार २५ गते बस्ने भएको छ ।
यसअघि कार्यदलको बैठक असार २२ गते तय भएको थियो । तर, मिति परिवर्तन गरेर बैठक २५ गतेलाई सारिएको एमाले प्रचार तथा प्रकाशन विभागले जनाएको छ ।
असार २२ मा प्रवास कमिटी र २३ सल्लाहकार कमिटीको सुझाव लिने कार्यतालिका थप भएकाले कार्यदल बैठकको समय परिवर्तन भएको हो । थापा नेतृत्वको कार्यदलको प्रतिवेदनका आधारमा पार्टी पुनर्गठन गर्ने एमालेको तयारी छ । निर्वाचनमा लज्जास्पद हार खाएपछि एमालेमा पुनर्गठन बहस तीव्र छ ।
वि.सं.२०८३ असार २१ आइतवार १६:०० मा प्रकाशित
