Sansar News
३१ साउन, पोखरा । उपप्रधान एवं शिक्षामन्त्री गोपालमान श्रेष्ठले आदिवासी जनजातिले परम्परागतरुपमा मनाउँदै आएका लोकसंस्कृतिको संरक्षणमा एक अर्काबीचको सहयोग अपरिहार्य भएको बताउनुभएको छ ।
तमु धी नेपाल पोखराले आज यहाँ आयोजना गरेको ट्रहोटे पर्व कार्यक्रममा उहाँले गुरुङहरूले प्राचीनकालदेखि मनाउँदै आएको ट्रहोटे पर्वको माध्यमबाट समाजमा रहेका अज्ञानता र कुुरुति हटाएर मौलिक भेषभूषा र संस्कृतिको जगेर्ना गर्न प्रेरणा मिल्ने विश्वास व्यक्त गर्नुभयो ।
उपप्रधानमन्त्री श्रेष्ठले आदिवासी जनजातिको हक र अधिकार सुनिश्चित गर्न नेपाली कांग्रेस प्रतिबद्ध रहेको बताउँदै प्रदेशसभाको निर्वाचनमा उम्मेदवार चयन गर्दा पार्टीले समावेशी र प्रजातान्त्रिक सिद्धान्त अपनाउने दृढता व्यक्त गर्नुभयो ।
स्थानीय तहको निर्वाचनमा नेपाली कांग्रेसले प्रदेश नं ४ मा जुन मतपरिणाम प्राप्त ग¥यो, प्रदेश र प्रतिनिधिसभाको निर्वाचनमा पनि त्यो साख जोगाउनुपर्ने उल्लेख गर्दै उहाँले काँग्रेसले एक्लै सरकार बनाउन सक्यो भने मात्रै छोटै समयमा देशमा आर्थिक समृद्धि सम्भव हुने धारणा व्यक्त गर्नुभयो ।
उपप्रधानमन्त्री श्रेष्ठले केही दिनको भीषण वर्षासंगै आएको बाढीले तराई र पहाडका धेरै जिल्लामा ठूलो धनजनको क्षति पु¥याएकोमा दुःख व्यक्त गर्दै मानवीय उद्धार र राहतको कार्यमा जुट्न सबैसँग आग्रह गर्नुभयो ।
गत जेठ २१ र २२ गते विश्वको सर्वोच्च शिखर सगरमाथामा गुरुङ समुदायको तर्पmबाट आरोहण गर्ने दुईजना महिलालाई उहाँले सम्मान गर्नुभयो । सम्मानित हुनेमा संखुवासभाकी भूमिका गुरुङ र गोरखाकी नानुमाया गुरुङ रहेकी छिन् ।
यसअघि पोखराको टुँडिखेलबाट शुरु भएको ट्रहोटे पर्वको ¥यालीले नगर परिक्रमा गरी तमु धीको प्राङ्गगणमा पुगेर सभामा परिणत भएको थियो ।
वि.सं.२०७४ साउन ३१ मंगलवार १३:१५ मा प्रकाशित
