Sansar News
१७ माघ, काँकडभिट्टा। काभ्रेका लक्ष्मण सापकोटाले नेपालकै होचो स्थल झापाको केचनाकवलबाट विश्वकै सर्वोच्च शिखर सगरमाथाको साहित्यिक आरोहणका लागि पैदलयात्रा शुरु गरेका छन् ।
सापकोटाले केचनाकवलको माटो सगरमाथा पु¥याउने उद्देश्यले पैदल यात्रा आरम्भ गरेका हुन् । झापा क्षेत्र नं ३ का सांसद राजेन्द्र लिङ्देन, प्रदेश सांसद वसन्त बानियाँ र केचनाकवल गाउँपालिका अध्यक्ष अन्जार आलमको हातबाट खादा र टीका लगाएर सापकोटाले केचनाकवलबाट मंगलवार ८ः३० बजे यात्रा आरम्भ गरे ।
सापकोटाले साहित्यको क्षेत्रबाट पहिलोपटक सगरमाथा आरोहण गर्न लागेका हुन् । उनले यसअघि सोलुखुम्बुको ६ हजार २०० मिटर अग्लो इम्जात्से र ६ हजार ६५४ मिटर अग्लो मेरापिक हिमालको सफल आरोहण गरिसकेका छन् । ।
उनले २०७१ सालमा मेची–महाकालीको १ हजार २८५ किलोमिटर साहित्यिक दौडसमेत पूरा गरेका छन् ।
सापकोटाले सगरमाथामा आफ्नो उपन्यासको विमोचन गर्ने र चुचुरोमा पुगेर कविता वाचन गर्ने योजना बनाएका छन् ।
वि.सं.२०७४ माघ १७ बुधवार १४:२२ मा प्रकाशित
