back

पुल मर्मतसम्भार नहुँदा जोखिम मोल्दै यात्रु

वि.सं.२०७३ असोज १७ सोमवार

294 

shares
NTC AD
Global IME AD

१७ असोज,जाजरकोट। यहाँको भेरी नदी तथा साना सहायक नदीमा रहेका दर्जन पुल जीर्ण बन्दै गएका छन् । रुकुम र जाजरकोट दुवै जिल्लाका सरोकारवालाले खासै ध्यान नदिँदा पुल जीर्ण बनेका हुन् ।

समयमा पुल मर्मतसम्भार नहुँदा यात्रु भेरी नदी तथा अन्य नदीमा ज्यानको बाजी लगाएर वारपार गर्न बाध्य भएका छन् ।

जाजरकोट तल्लुबगर र रुकुमको गोतामकोट जोड्ने भेरी नदीको झोलुङ्गे पुल निर्माण भएको ३८ वर्ष भयो तर अहिलेसम्म मर्मत हुन सकेको छैन ।

त्यस्तै राणाकालमा बनेको मटेला पुलदेखि दर्जनौँ स्थानका पुल जीर्ण अवस्थामा रहेका छन् । रिम्ना, चिसा, राडी ज्यूला, तल्लुबगर, दामाचौरलगायत दर्जन बढी स्थानमा रहेका पुल वारपार गर्न धौधौ हुने गरेको भगवती तल्लुबगरका अमर बस्नेतले बताउनुभएको छ ।

पुलका दायाँबायाँ र बीचका लठ्ठा, नटभोल्ट खिया लागेर झरेका छन् तर उक्त पुल मर्मतमा कसैको पनि चासो नगएको उहाँले भन्नुभयो ।

कर्णाली अञ्चलको जुम्ला र डोल्पासम्म आवतजावत गर्ने बाटोमा पर्ने पुल मर्मत नहुँदा घोडा खच्चडबाट सामान ओसारपसार गर्न समस्या हुने गरेको डोल्पाका रामचन्द्र न्यौपानेले बताउनुभयो ।

भेरी नदीबाहेकका अन्य खोलाका पुल पनि जीर्ण अवस्थामा रहेका छन् । जिल्लाको छेडागाड, मजकोट खोला, सरुगाढ, नलसिंहगाडलगायतका खोलाका पुल पनि मर्मत हुन सकेका छैनन् ।

पुल मर्मतका लागि जिविस, जाजरकोट र रुकुम एक अर्काको मुख ताकेर बस्ने गरेकाले पनि समस्या उब्जिएको हो । दुवै जिल्लाको बीचमा बग्ने भेरी नदीको अधिकांश स्थानमा पुल निर्माण भएको वर्षौं बिते पनि मर्मत सम्भारमा कसैले पनि चासो दिएको देखिँदैन ।

जाजरकोट जिल्लामा एक सय बढी झोलुङ्गे पुल रहेका छन् । भेरीका सबै पुल जाजरकोटले नै निर्माण गरेको हो । रासस

वि.सं.२०७३ असोज १७ सोमवार ०८:५२ मा प्रकाशित

NLIC AD
NABIL bank AD
महिला सशक्तीकरणको प्रमुख आधार आर्थिक सवलीकरण हो : प्रधानमन्त्री ‘प्रचण्ड’

महिला सशक्तीकरणको प्रमुख आधार आर्थिक सवलीकरण हो : प्रधानमन्त्री ‘प्रचण्ड’

काठमाडौँ । प्रधानमन्त्री पुष्पकमल दाहाल ‘प्रचण्ड’ले महिला सशक्तीकरणको सबैभन्दा प्रमुख...

स्नातक छोरीबुहारीलाई नगरपालिकामा रोजगारी

स्नातक छोरीबुहारीलाई नगरपालिकामा रोजगारी

इलाम । सूर्योदय नगरपालिका–१ बाङ्गीनकी स्वस्तिका शाहलाई निःशुल्क छात्रवृत्तिमा स्नातक...

तीन वर्षदेखि सुनसान अध्यागमन कार्यालय

तीन वर्षदेखि सुनसान अध्यागमन कार्यालय

नेपालगञ्ज । बाँकेको जमुनाह नाकामा रहेको अध्यागमन कार्यालय करिब तीन...

प्राविधिक शिक्षालयले छात्रछात्रालाई व्यावसायिक कृषितर्फ उन्मुख हुन प्रेरित गर्दै

प्राविधिक शिक्षालयले छात्रछात्रालाई व्यावसायिक कृषितर्फ उन्मुख हुन प्रेरित गर्दै

गलेश्वर (म्याग्दी) । विद्यालयमा पढाइसँगै तरकारी खेती र मौरीपालन गरेर...

सञ्चारकर्मीहरूलाई सभामुखको शुभकामना

सञ्चारकर्मीहरूलाई सभामुखको शुभकामना

काठमाडौँ । प्रतिनिधिसभाका सभामुख देवराज घिमिरेले नेपालका पत्रकारहरुको साझा संस्था...

डढेलोमा परी गम्भीर घाइते भएकी महिलाको मृत्यु

डढेलोमा परी गम्भीर घाइते भएकी महिलाको मृत्यु

डोटी । वन डढेलोमा परी गम्भीर घाइते भएकी एक महिलाको...