जापानको राजधानी टोक्यो नजिकै रहेको सहरको चिबामा रहेका नपाली युवाहरूको सक्रियतामा नेपाली समाज गठन भएको छ ।
पछिल्लो समयमा चिबा क्षेत्रमा नेपालीहरूको बाहुल्यता बढ्दै गएको र नेपालीहरूका विभिन्न भैपरी आउने समस्यामा एकजुट भएर समाधानमा लाग्नका लागि समाज गठन गनर्् परेको समाजका निर्वाचित महासचिव टिकाराम न्यौपानेले बताएका छन ।
प्रथम अधिवेशनबाट निर्वाचित समाजको महासचिब न्यौपानेका अनुसार सुरज राईको अध्यक्षतामा बरिष्ठ उपाध्यक्ष प्रकाश थापा मगर रहने गरि २३ सदस्य रहेको कार्यसमिति गठन भएको छ । साथै कार्यसमितिले प्रमुख सल्लाकार सन्जिब राईलाई चयन गर्दै सल्लाकार समिति पनि गठन गरेको छ । प्रमुख सल्लाकार राई नेफेसो जापानको केन्द्रीय महासचिब हुन भने अध्यक्ष शुरज राई १० वर्ष अघिबाट जापानको चिबा क्षेत्रमा बस्दै सामाजिक कार्यमा सक्रिय रहदै आएका छन् ।
निर्वाचित कार्यसमितिका सबैले आ-आफ्नो भनाईहरू राखेका थिए भने नेफेसो जापानको महासचिब राईले खदा लगाएर बधाई तथा शुभकामना दिएका थिए ।
गत शनिबार फुनाबासी कम्युनिटि हल चिवामा सम्पन्न भएको उक्त कार्यक्रममा चिवा केनमा बस्ने करिब १५० जना भन्दा बढी नेपालीहरुको उपस्थिति रहेको थियो ।
वि.सं.२०७५ असार २४ आइतवार १३:०१ मा प्रकाशित
