हामी सबैकाे संसारन्यूज

१७ भदौ, काठमाडौँ । मलेसियामा जारी एसीसी एसिया कप छनोट अन्तर्गत चौथो खेलमा नेपाललाई सिंगापुरले १५२ रनको लक्ष्य दिएको छ ।
टस जितेर पहिले ब्याटिङ गरेको सिंगापुरले निर्धारित ५० ओभरको खेलमा ४२ ओभरमा अलआउट हुँदै १५१ रन मात्र बनाउन सक्यो ।

सिंगापुरलाई सस्तैमा रोक्न नेपालका युवा बलर सन्दिप लामछाने र ललितनारायण राजबंशीले ३÷३ विकेट लिए। यस्तै सोमपाल कामीले २ विकेट लिए बसन्त रेग्मीले १ विकेट लिए ।
सिंगापुरका लागि चेतन रामचन्द्र सूर्यबंशीले सर्वाधिक ६० रन बनाए । यस्तै अनिश पारामले ३१ रन बनाउनुबाहेक अन्य सिंगापुरका ब्याट्मेन नेपाली बलरसामू टिक्न सकेनन्।

१० ओभर बलिङ गरेका लामिछानेले ३५ रन खर्चिएर ३ विकेट लिएका थिए । यस्तै ९ ओभरनै बलिङ गरेका ललितले २७ रन खर्चिएर ३ विकेट लिए।

सुरूवाती पाँच ओभरमै तीन विकेट गुमाएको सिंगापुरले सूर्यबंशी र पारामले चौथो विकेटका लागि ८० रनको साझेदारी गरेका थिए।
एसिया कप छनोटको आशा जिवितै राख्न आज नेपालले कुनै पनि हालतमा सिंगापुरलाई फराकिलो अन्तरमा हराउनुपर्नेछ। आजै भएको अर्को खेलमा यएईले घरेलु टोली मलेसियालाई ९२ रनमा समेटेर जवाफी ब्याटिङ थालेको छ। अर्को खेलमा हङकङ र ओमान खेलिरहेका छन्।