हामी सबैकाे संसारन्यूज

२१ असोज, काठमाडौं । त्रिभुवन विश्वविद्यालयमा स्नातक तहमा कानुन शिक्षा अध्ययन गर्नेको संख्या अत्यधिक बढेको छ । अधिकतम ५०० क्षमताको त्रिविको आंगिक क्याम्पस नेपाल ल क्याम्पसमा झण्डै ११ हजार विद्यार्थी एलएलबी अध्ययनका लागि भर्ना भएका छन् ।

अवकाशप्राप्त कर्मचारी, इन्जिनियर, डाक्टर मात्र होइन, स्थानीय तहका जनप्रतिनिधि र पूर्वमन्त्रीसमेत भर्ना भएका छन् ।
नेपाल ल क्याम्पसका प्रमुख डिएन पराजुलीका अनुसार एलएलबी प्रथम वर्षमा शुक्रबारसम्ममा १० हजार ८ सय ४५ विद्यार्थी भर्ना भएका छन् ।
यो वर्ष पूर्वश्रममन्त्री सरिता गिरीलगायत केही नेतासमेत भर्ना भएको पराजुलीले बताए । ‘आश्चर्यजनक तरिकाले विद्यार्थी भर्ना हुन आए’, उनले भने । कानून तर्फ स्नातक तहमा बिएलएलबी र एलएलबी गरि दुईथरी कार्यक्रम छन् । बिएएलएलबीमा सेमेष्टर र निश्चित कोटा प्रणाली कारण धेरै विद्यार्थीलाईल धेरै अवसर छैन् । तर एलएलबीमा निश्चित कोटा नभएका कारण अत्यधिक विद्यार्थी भर्ना भएका हुन् । नयाँ पत्रिका दैनिकमा समाचार छ ।