हामी सबैकाे संसारन्यूज

२१ असोज, काठमाडौँ । मलेसियास्थित नेपाली दूतावासले नक्कली रक्सी देखि सचेत रहन सार्वजनिक सूचना गरेको छ । दूतावासले मलेसियाको स्वास्थ्य मन्त्रालयले तयार पारेको सचेतनात्मक सूचनालाई नेपालीमा अनुवाद गरी सार्वजनिक गरेको हो । प्रतिकाात्मक तस्विरसहितको जारी सूचनामा नक्कली रक्सी मेथानोल पनि हुनसक्ने जनाइएको छ ।

सूचनामा मेथानोल अखाद्य पदार्थ भएको भन्दै त्यस्तो पदार्थ खाएमा मान्छेको मृत्यु पनि हुन सक्नेतर्फ सचेत गराएको छ ।
मदिराजन्य पेयपदार्थ मेथानोलयुक्त हुने हुँदा त्यस्ता पेय पदार्थ नखान भनिएको हो । उक्त सूचनामा नक्कली रक्सी खाएपछि के के लक्षण देखिन्छ भन्ने समेत देखाइएको छ ।

गत महिना मलेसियाको सैलाङगोर राज्य र क्वालालम्पुर क्षेत्रमा विषाक्त मदिरा सेवनबाट ९ जना नेपालीको ज्यान गएको थियो भने १० जना उपचारार्थ अस्पताल भर्ना भएकामा ७ जना डिस्चार्ज भैसकेका छन् भने ३ जनाको अवस्था अझै चिन्ताजनक रहेको दूतावासको सूचनामा उल्लेख छ ।