Sansar News
२९ असोज, काठमाडौँ । राष्ट्रपति विद्यादेवी भण्डारीले विजयादशमीको दिन सर्वसाधारण र विशिष्ट व्यक्तित्वलाई टीका लगाइदिने कार्यक्रम छ ।
राष्ट्रपति कार्यालयका सहायक प्रवक्ता केशवप्रसाद घिमिरेका अनुसार आगामी कात्तिक २ गते अपराह्न २ देखि ४ बजेसम्म टीकाका लागि राष्ट्रपति कार्यालय शीतल निवासको ढोका नं १ खुला रहने बताइएको छ ।
राष्ट्रपतिबाट टीकाग्रहण गर्न इच्छुक व्यक्तित्व, मन्त्रिगण, प्रदेश प्रमुख, न्यायाधीश, सङ्घीय संसद्का सदस्य, संवैधानिक निकायका पदाधिकारीलगायत विशिष्ट व्यक्तित्वलाई टीकाका लागि समय तोकिएको हो । यस्तै निजामती, जङ्गी, प्रहरी तथा राष्ट्रसेवकलाई पनि सोही समय निर्धारण गरिएको राष्ट्रपति कार्यालयले जनाएको छ ।
वि.सं.२०७५ असोज २९ सोमवार १९:४४ मा प्रकाशित
