हामी सबैकाे संसारन्यूज

१५ कात्तिक, काठमाडौं । घर झगडामा सर्वोच्च अदालतका न्यायाधिश प्रकाशमान सिंह राउतकी श्रीमती ललिता राउतलाई प्रहरीले पक्राउ गरेको छ । उदयपुर जिल्ला प्रहरी कार्यालयले आफ्नै श्रीमान्को हस्ताक्षर र औंठाछाप किर्ते गरेको अभियोगमा पक्राउ गरी अनुसन्धानका लागि उनलाई पक्राउ गरिएको हो ।
सरकाी छाप दस्तखत किर्तेगरेको अभियोगमा उनलाई पक्राउ गरिएको जिल्ला प्रहरी कार्यालय उदयपुर प्रहरी उपरीक्षक (एसपी) चन्द्रदेव राईले पुष्टि गरे । ‘न्यायाधिशको श्रीमती भन्ने थाह थिएन, सरकारी छाप दस्तखत किर्तेमा अनुसन्धान गर्न पक्राउ गरिएको अनुसन्धान हुँदैछ,’ एसपी राईले भने ।
उनका अनुसार ललितासँगै उनका आफन्तहरु पक्राउ परेका छन् । ललिताले न्यायाधिश राउतलाई थाहा नदिई उनकै हस्ताक्षर र औठाछाप समेत किर्ते गरेर अरुकै बच्चालाई आफ्नै भनेर जन्मदर्ता गराएकोमा न्यायाधिश बाबुले दिएको उजुरीपछि ललितासहित तीनजनालाई प्रहरीले नियन्त्रणमा लिएर अनुसन्धान सुरु गरेको हो । आजका नागरिक दैनिकमा समाचार छ ।