Sansar News
२५ कात्तिक, काठमाडौं । सरकारी सेवामा प्रवेश गर्नेको आकर्षण ह्वात्तै बढेको छ । लोकसेवा आयोगका अनुसार गत आर्थिक वर्ष २०७४÷७५ मा माग संख्या भन्दा ९५ गुणा बढीले परीक्षाका लागि आवेदन दिएका छन् ।
आयोगले विभिन्न पदमा ५ हजार ९७० सिटका लागि दरखास्त आव्हान गरेको थियो । ती पदमा जागिर खान ५ लाख ७१ हजार ३२२ जनाले दरखास्त दिएको आजको राजधानी दैनिकमा समाचार छ ।
दरखास्त दिनेमा महिलाको संख्या २ लाख ९६ हजार ७०४ जना (५२ प्रतिशत) थियो भने पुरुषको संख्या २ लाख ७१ हजार १४९ (४८ प्रतिशत) थियो ।
वि.सं.२०७५ कात्तिक २५ आइतवार ०७:५२ मा प्रकाशित
