हामी सबैकाे संसारन्यूज

२७ कात्तिक,काठमाडौँ । कोस्टाल पप्पु कन्ट्रक्सनले सिक्टा सिँचाइ आयोजनामा सम्झौता अनुसार काम गर्न नसकेपछि जलस्रोत तथा सिँचाइ विभागले ठेक्का तोडेको छ । बाँकेमा निर्माणधीन सिक्टा सिँचाइको डुँडुवा नहरमा गुणस्तरहीन काम र चरम लापरबाही नरोकिएपछि विभागले पप्पुसँगको सम्झौता तोडेको हो । ठेक्का सम्झौता गरेको २८ महिना बित्दा पनि कामको प्रगती निराशजनक भएपछि पप्पुसँग सम्झौता तोडिएको विभागका महानिर्देहक सरोज पण्डितले बताए ।उनका अनुसार यस अवधिमा पप्पुले जम्मा ७ प्रतिशत काम गरेको छ।
स्वदेशी लगानीमा निर्माण भइरहेको राष्ट्रिय गौरवको आयोजना सिक्टाका साउदी विकास कोषले दुई अर्ब ४१ करोड रुपैयाँ आर्थिक सहयोग उपलब्ध गराएको थियो । पप्पुले काम नगरेपछि दातृ निकायको सहयोग रकम समेत अलमलमा परेको सिँचाइ मन्त्रालयका एक अधिकारीले बताए । कोषले सुरुदेखि नै पप्पुको काम सन्तोषजनक नभएको गुनासो गर्दै आएको थियो र ठेकेदारकै कारण आर्थिक सहायता उपलब्ध गराउन नसकिने चेतावनी पनि दिदै आएको थियो ।अब ठेक्का तोडिएपछि कोषले पुन;रकम उपलब्ध गराउने÷नगराउने भन्नेबारे एकिङ हुन नसकेको बताइएको छ । डुँुडुवा शाखा नहर निर्माण गर्न पुन; नयाँ प्रक्रिया थालनी हुने सिक्टा सिँचाइका डिभिजल इन्निनियर प्रकाश कार्कीले बताए ।
आजको नागरिक दैनिकबाट