हामी सबैकाे संसारन्यूज

२७ कात्तिक, काठमाडौं । घुम्नकै लागि विदेश भ्रमणमा जाने क्रम बढेकाले ठूलो परिणाममा विदेशी मुद्रा बाहिरीएको राष्ट्र बैंकले औल्याएको छ । मुलुकको निर्यात नबढेको तर आयात चुलिदै गएकाले विदेशी विनिमय सञ्चित लगातार घट्दो छ । यहि अवस्थामा भ्रमण (घुम्न) र अध्ययनका लागि भनेर अर्बौ रुपैयाँ बाहिरिएपछि राष्ट्र बैंकले विदेशी विनिमय सुविधामा कडाइ समेत गरेको आजको कान्तिपुर दैनिकमा समाचार छ ।
राष्ट्र बैंकको तथ्यांक अनुसार गत आर्थिक वर्ष भ्रमण र अध्ययनका लागि मात्रै ४७ अर्ब रुपैयाँ बराबर अमेरिकी डलर बाहिरीएको छ । अघिल्लो वर्षको सोहि अवधिको तुलनामा यो करिब साढे २८ प्रतिशत वृद्धि हो । यो मुलुकको कुल ग्राहस्थ उत्पादन (जीडीपी) को करिब साढे ३६ अर्ब रुपैयाँ बाहिरीएको थियो ।