हामी सबैकाे संसारन्यूज

२७ कात्तिक, काठमाडौं । सरकारले विपन्न गरिब जनताको उपचारका लागि वितरण गर्ने आर्थिक सहायतामा दोहोरो चरित्र ेदखाउँदै आएको पाइएको छ ।
आर्थिक सहायता सम्बन्धी कार्यविधिलाई कुल्चदै सरकारले आफूनिकटलाई करोडौं रुपैयाँ वितरण गर्दै आएको समाचार आजको राजधानी दैनिकमा रहेको छ ।
विपन्न, गरिब र पहुँच नभएका नागरिकले उपचारका लागि राज्यकोषबाट एक रुपैयाँ पनि पाउन नसकेको अवस्थामा शक्तिकेन्द्रमा पहुँच भएकाले भने कार्यविधि विपरीत २ लाखदेखि १५ लाख सम्म आर्थिक सहायता लिएको पाइएको छ ।
सरकारले २०६६ सालमा नागरिक राहत क्षतिपूर्ति तथा आर्थिक सहायता सम्बन्धी कार्यविधि ल्याएको थियो । सो कार्यविधिमा अशक्त, गरिब र विपन्न नागरिकलाई आर्थिक सहायता दिन सक्ने व्यवस्था गरिएको छ ।