हामी सबैकाे संसारन्यूज

२७ कात्तिक,काठमाडौँ   । दशैतिहारजस्ता ठुला पर्व सकिएसँगै कर्णाली प्रदेशका बस्ती खाली हुन थालेका छन् । चाडपर्व मान्न आएकाहरु रोजगारी र अध्ययनका लागि ठुला सहर र कालापहाड (भारत) जान थालेपछि गाँउ रित्तिँदै गएका हुन् । यहाँका अधिकांश युवा पैसा कमाउन कालापहाड जाने गर्छन् ।
कालीकोट शुभकालीका गाँउपालिका –३ गोठीमुलाका २० वर्षीय अक्कल परियार दशैतिहार मान्न एक महिना अघि घर आएका थिए । सोमबार उनीसहितको टोली सुर्खेत –नेपालगन्ज हँदै भारततर्फ लाग्यो । किसानी गर्न प्रर्याप्त जमिन छैन,१४ वर्षको उमेरदेखि भारत जान थालेको उनले भने, ‘चार–छ महिना काम गरेर फेरि नयाँ वर्षमा फर्किहाल्छौ’। यहाँका अधिकांश युवा उत्तराञ्चल , हिमालञ्चललगायतका क्षेत्रमा रोजगारीका लागि जाने गर्छन् । दशैतिहार मानेर गएका युवा नयाँ वर्षमा घर फर्कन्छन् ।
जुम्ला सिञ्जाका कर्णबहादुर हमाल कालापहाड यात्राका लागी घर छोड्ने तयारीमा छन् । उनी बर्सेनि कालापहाड जान्छन्,ज्याला मजदुरी गर्छन् । कालापहाडमा कमाएको पैसाले परिवारको लुगाफाटो फेर्छन् । आजको नागरिक दैनिकबाट