हामी सबैकाे संसारन्यूज

९ मंसीर, काठमाडौं । बलात्कारपछि हत्या गरिएकी बालिका निर्मला पन्तका बुबा यञराजलाई उपचारका लागि काठमाडौं ल्याइएको छ । शनिबार बेलुकी धनगढीबाट विमानमा ल्याउने प्रयास असम्भव भएपछि उनलाई बेहोस हुने सुई लगाएर राति गाडीमा पठाइएको हो । श्रीमती दुर्गादेवी तथा आफन्तहरु ईश्वर जोशी र गजाधर भट्टसँगै तीन सुरक्षाकर्मी र एक स्वास्थ्यकमीलाई पनि साथ साथै ल्याइएको हो ।
आफन्तको अहाग्रहमा सेती अञ्चल अस्पतालमा बेहोस बनाएर काठमाडौं पठाइएको कैलालीका सहायक प्रमुख जिल्ला अधिकारी जनकराज भट्टले बताए । ‘मुस्किलले स्कारपियोमा राखेर सेती अञ्चल अस्पताल पु¥यायौं । आफन्तको आग्रहमा बेहोस पारेपछि राति सवा १० बजेतिर काठमाडौं पठायौं,’ भट्टले भने । आजको नयाँपत्रिका दैनिकबाट