back

कञ्चनपुरका छ सय बढी किसानले बाली बिमा गराए

वि.सं.२०७३ कात्तिक १४ आइतवार

159 

shares
Global IME AD
NMB Bank Limited Long Ad Banner

कञ्चनपुर  । जोखिम न्यूनीकरण गरी लगानी सुनिश्चित गर्नका लागि कञ्चनपुरका ६०० बढी किसानले बाली बिमा गराएका छन् ।

जलवायु परिवर्तनका असरले भइरहेको नोक्सानी कम गर्न, जङ्गली जनावरले पु¥याउने हानी र अन्य आकस्मिक कारणले हुने नोक्सानीको जोखिम घटाउनका लागि यहाँका किसान बाली बिमा गराउन थालेका हुन ।

कृषि विकास कार्यालय कञ्चनपुरका अनुसार चालु आवको हालसम्म केराखेतीमा १२८, उखु खेतीमा ४२६, चैते धान खेतीमा ८४ र माछामा चार जना किसानले बिमा गराएका छन् ।

केरामा रु दुई करोड २९ लाख ९६ हजार, उखुमा रु १८ लाख ३९ हजार २००, चैतै धानमा रु २३ लाख ९९ हजार र माछामा रु ८३ लाख ६० हजार गरी कुल रु तीन करोड ५५ लाख ९७ हजार २०० बराबरको बिमा गरिएको कृषि विकास कार्यालय कञ्चनपुरका वरिष्ठ कृषि विकास अधिकृत टीकाराम थापाले बताउनुभयो । बिमा गरिएको रकममध्ये २५ प्रतिशत कृषकले र ७५ प्रतिशत रकम सरकारले व्यहोर्ने व्यवस्था गरिएको छ ।

आधारभूत स्वास्थ्य सेवाबाट वञ्चित

कञ्चनपुरको बेलौरी नगरपालिका–४ का बासिन्दा आधारभूत स्वास्थ्य सेवाबाट वञ्चित भएका छन् । यहाँका बासिन्दाले स्वास्थ्य सेवाका लागि टाढाका क्षेत्रमा पुग्नुपर्ने अवस्था रहेको छ ।

सामान्य उपचार र परिवार नियोजनका साधन उपलब्ध गराउनका लागि नेपाल परिवार नियोजन सङघले सामुदायिक परिवार स्वास्थ्य क्लिनिक सञ्चालन गरेको भए पनि पर्याप्त जनशक्ति नहुँदा यहाँका बासिन्दाले स्वास्थ्य सेवा पाउन नसकेका हुन ।

“परिवार नियोजनले दक्षस्वास्थ्यकर्मीको व्यवस्था गरिदिए प्राथमिक उपचारका लागि टाढाको स्वास्थ्य केन्द्र पुग्नु पर्ने थिएन” साविक लक्ष्मीपुर गाविसका पूर्व उपाध्यक्ष तिलक भट्टले भन्नुभयो ।

उपचारका लागि बेलौरीमा रहेको प्राथमिक स्वास्थ्य केन्द्र पुग्न यहाँबाट झन्डै १० किलोमिटर बढीको यात्रा पैदल नै तय गरी पुग्नुपर्ने अवस्था रहेको पूर्व गाविस उपाध्यक्ष भट्टले बताउनुभयो ।
रासस

वि.सं.२०७३ कात्तिक १४ आइतवार ०३:२७ मा प्रकाशित

हुण्डी कारोबारको अभियोगमा विदेशी नागरिक पक्राउ

हुण्डी कारोबारको अभियोगमा विदेशी नागरिक पक्राउ

काठमाडौँ । अवैधरुपमा हुण्डीको कारोबारमा संलग्न रहेको अभियोगमा प्रहरीले एक...

कोदालो प्रहार गरी श्रीमतीको हत्या

कोदालो प्रहार गरी श्रीमतीको हत्या

कमलामाई (सिन्धुली) । सिन्धुलीमा श्रीमानले कोदालो प्रहार गरेर श्रीमतीको हत्या...

सङ्घीयता कार्यान्वयन उच्च प्राथमिकतामा : प्रधानमन्त्री ‘प्रचण्ड’

सङ्घीयता कार्यान्वयन उच्च प्राथमिकतामा : प्रधानमन्त्री ‘प्रचण्ड’

काठमाडौँ । प्रधानमन्त्री पुष्पकमल दाहाल ‘प्रचण्ड’ले सङ्घीयता कार्यान्वयन सरकारको उच्च...

‘विकासका साझेदारहरूसँग मिलेर काम गर्न नेपाल तत्पर छ’

‘विकासका साझेदारहरूसँग मिलेर काम गर्न नेपाल तत्पर छ’

काठमाडौँ । वन तथा वातावरणमन्त्री वीरेन्द्रप्रसाद महतोले नेपाल सरकार र...

विधायन समितिमा सम्पत्ति शुद्धीकरण विधेयकमा गहन छलफल

विधायन समितिमा सम्पत्ति शुद्धीकरण विधेयकमा गहन छलफल

काठमाडौँ । राष्ट्रियसभाअन्तर्गत विधायन व्यवस्थापन समितिको आजको बैठकमा सम्पत्ति शुद्धीकरण...

खतिवडामाथि कुटपिट आरोपमा शर्मिला वाइबा पक्राउ

खतिवडामाथि कुटपिट आरोपमा शर्मिला वाइबा पक्राउ

काठमाडौँ । कमेडीयन तथा कलाकार पवन खतिवडा ‘म्याकुरी’ लाई कुटपिट...