हामी सबैकाे संसारन्यूज

४ बैशाख, काठमाडौ । कामना न्युजका प्रधान सम्पादक पुष्कारलाल श्रेष्ठको निधन भएको छ ।

चिकित्सकहरुको अथक प्रयासका बाबजुद पनि श्रेष्ठलाई बचाउन नसकिएको कामना पब्लिकेसनले विज्ञप्ति निकालेर जानकारी दिएको छ । उनको बुधबार विहान ११ बजेर ५९ मिनेटमा ६० वर्षको उमेरमा नर्भिक अस्पतालमा उपचारका क्रममा निधन भएको हो ।

साढे पाँच महिना अघि देखि विरामी रहेका श्रेष्ठ लाई मृगौलामा समस्या रहेको विज्ञप्तिमा जनाइएको छ ।
‘स्वास्थ स्थितिमा समस्या बढ्दै गएका कारण उनलाई थापाथलीस्थित नर्भिक इन्टरनेसनल अस्पतालमा उपचारार्थ भर्ना गरिएको थियो ।

उनको उपचारमा संलग्न चिकित्सकसँगको परामर्श र भारतीय चिकित्सकको सुझाव अनुरुप नर्भिक अस्पतालमा नै राखेर उपचार हुँदै आएको कामना पब्लिकेसनले विज्ञप्ती निकालेर जानकारी दिएको छ ।