हामी सबैकाे संसारन्यूज

७ बैशाख, काठमाडौं । भारतीय सर्वोच्च अदालतका प्रधानन्यायाधिश रंजन गगोईमाथि यौन उत्पिडनको आरोप लागेको छ ।

सर्वोच्च अदालतका प्रधानन्यायाधिश रंजन गगोईमाथि उनकी पूर्व जुनियर असिस्टेनले यौन उत्पिडनको आरोप लगाएको बताइएको छ । तर, प्रधानन्यायाधिश रंजन गगोइले भने, यसलाई न्यायपालिकाको स्वतन्त्रतामाथि गम्भीर खतरामा रहेको र यस्तो आरोप न्यायपालिकालाई अस्थिर बनाउने ठूलो खेल रहेको बताएका छन् ।

उनका अनुसार यौन उत्पिडनको आरोप लगाउने महिलाका पछाडि कुनै बलियो शक्ति लागेको तथा यस्तो अवस्थामा न्यायाधिशलाई काम गर्न पर्यो भने राम्रो मानिस उक्त अफिसमा नआउने पनि बताएका छन् ।

बीबीसीमा रहेको समाचार अनुसार प्रधानन्याधिशमाथि यौन उत्पिडनको आरोप लगाउने महिलाले एक पत्र लेखेर सुप्रिम कोर्टका सबै २२ जना न्यायाधिशलाई पठाएकी थिइन् । जसमा उनले प्रधानन्यायधिश गोगोईमाथि यौन उत्पिडन गरेको तथा यसको लागि आफू सहमत नहुँदा कामबाटै निकाल्नुका साथै परिवारलाई पनि पीडा दिने गरेको आरोप उनको छ ।