१२ बैशाख, लाहान । प्रदेश सरकारले चलाएको ‘बेटी पढाउ, बेटी बचाउ’ अभियानलाई सरकारकै एक राज्यमन्त्रीले चुनौती दिदैं आफ्नै खर्चमा बालबिबाह गरिदिएका छन् ।
प्रदेश २ का उद्योग, पर्यटन, पन तथा वातावरण राज्यमन्त्री सुरेश मण्डलले सम्पूर्ण खर्च तिरेर सिरहामा डोम समुदायकी १४ वर्षीया किशोरीको विवाह गराएका हुन् ।
राज्यमन्त्री मण्डलले कल्याणपुर नगरपालिका ३ प्रसाहीका कुशे मल्लिक डोमकी छोरी राधा मल्ल्किको विवाह मंगलबार राति आफ्नै खचएमा गराएका हुन् । आर्थिक अवस्था कमजोर रहेको र जन्तीलाई समेत स्वागत गर्न नसक्ने अवस्थाका कारण सम्पूर्ण खर्च तिरेर विवाह गराइदिएको राज्यमन्त्री मण्डलका सहयोगी रमेश मण्डलले जानकारी दिएका थिए ।
राज्यमन्त्री मण्डलले विवाहमा दुलही राधाको अभिभावकको जिम्मेवारी निभाएका थिए ।
वडाअध्यक्ष अशोक मण्डलको संयोजकत्वमा भएको सो विवाहमा दुलाहा–दुलहीलाई राज्यमन्त्री मण्डलले आर्शिवाद दिदैँ आफूले गरिब, धनी र छुवाछुत अन्त्यको सन्देश दिन राधाको विवाहको खर्च बेहोरेको बताए । विहिबारको राजधानी दैनिकमा आलोक यादवले लेखेका छन् ।
वि.सं.२०७६ वैशाख १२ बिहीवार ०८:१४ मा प्रकाशित
