२९ बैशाख, काठमाण्डौं । मुख्य लगानीकर्ता पछि हटेपछि पुरानो बसपार्कमा २९ तलाको ‘भ्यूटावर’ बनाउने काठमाण्डौं महानगरपालिकाको योजना अनिश्चित बनेको छ ।
निर्माता कम्पनी जलेश्वर स्वछन्द बिइकोले खोजेको मुख्य लगानीकर्ता सिंगापुरका विट्रिस गोर्खा सैनिकले आफ्नो लगानी फिर्ता मागेका छन् । बिकोई त्यहि ठेकेदार कम्पनी हो, जसले खुल्लामन्चमा अबैध सटर बनाई साना व्यापारीलाई भाडामा लगाएको थियो ।
पोखराका धिरज गुरुङमार्फत् सिंगापुरका दुई सय ८० जना अवकाश प्राप्त बिट्रिस गोर्खा सैनिकले लगानी गर्ने भएका थिए । उनीहरुले कम्पनीको ४९ प्रतिशत सेयर दिनेगरी सम्झौता भयो । त्यसका लागि गोरखा सैनिकले पहिलो किस्ता वापत २४ करोड खातामा हालिदिए ।
रकम हात पर्नेवित्तिकै बिकोइले लगानीकर्तासँग विवाद झिक्यो । विवाद बढ्दै गएपछि गोर्खा सैनिकले लगानी फिर्ता मागे । बिकोइले २० जेठको भाकामा नोयल अमेल कम्पनीको नाममा २४ करोड रुपैयाँको चेक काटेको छ । आइतबारको नयाँपत्रिका दैनिकबाट
वि.सं.२०७६ वैशाख २९ आइतवार ०८:१९ मा प्रकाशित
