हामी सबैकाे संसारन्यूज

काठमाडौं । रसुवाको भोटेकोशीमा आएको बाढी अहिले नारायणी नदी हुँदै देवघाट पुगेको छ।

दिउँसो ३ः२० बजेको अवस्थाबारे जानकारी दिँदै जल तथा मौसम विज्ञान विभागअन्तर्गतको बाढी पूर्वानुमान महाशाखाले नारायणी नदीमा पानीको बहाव बढ्दो क्रममा रहेको जनाएको छ।

महाशाखाले नदीको बहाव अझ बढ्न सक्ने भएकाले नदी छेउछाउका बस्ती तथा बजार क्षेत्रमा बसोबास गर्ने नागरिकलाई उच्च सतर्कता अपनाउँदै सुरक्षित स्थानमा रहन अनुरोध गरेको छ।

भोटेकोशी हुँदै त्रिशूली र नारायणी नदीमा प्रवेश गरेको बाढीको अवस्थालाई निरन्तर निगरानी गरिरहेको भन्दै महाशाखाले अर्को सूचना जारी नभएसम्म जोखिमयुक्त नदी तटीय क्षेत्रमा अनावश्यक आवतजावत नगर्नसमेत आग्रह गरेको छ।