हामी सबैकाे संसारन्यूज

११ जेठ, काठमाण्डौ ।  राज्यले  बालबालिकालाई स्वस्थ्य राख्न ११ रोगविरुद्ध खोप अनिवार्य गरेको छ ।

यो खोपको सम्पूर्ण खर्च सरकारले  नै व्यहोर्छ । बच्चा जन्मेदेखि  १५  महिनाको अवधि सम्म पटक–पटक गरेर लगाईसक्नुपर्ने  यी खोपको लागि राज्यले प्रति बच्चा  ३० हजार रुपैयाँ खर्च गर्दै आएको छ ।

बाल स्वास्थ्य महाशाखाका  अनुसार एउटा बच्चालाई  दिईने खोप सरकारले ४५  सय रुपैयाँमा खरिद गर्छ ।  तर, त्यसको प्रयोग अवधिभर  हुने व्यवस्थापनको खर्च जोड्दा  राज्यको लगानी एक बालकमा  ३० हजार पुग्छ ।

खोपमा १२ अर्ब खर्च

बालबालिकाको  खोपको लागि मात्र  बार्षिक  करिब १२  अर्ब खर्च हुने  गरेको  परिवार कल्याण  महाशाखाका खोप  शाखा प्राुख  डा.  झलक शर्मा गौतमले बताए ।  सरकारले प्रतिवर्ष  ६ लाख बालबालिकालाई  खोप दिँदै आएको छ । जसका  लागि सरकारले  देशभर १६  हजार खोप  केन्द्र सञ्चालन  गरिरहेको छ  । शनिबारको नयाँपत्रिका दैनिकबाट