Sansar News
१५ जेठ, काठमाडौँ । प्रधानमन्त्री केपी शर्मा ओलीले गरिबी र लोकतान्त्रिक गणतन्त्रबाट गणतन्त्र सँसँगै रहन नसक्ने भन्दै गणतन्त्रबाट गरिबी हटाउन सरकारले सुशासन र विकासलाई प्राथमिकता दिएको बताएका छन् ।
गणतन्त्र दिवसको अवसरमा शुभकामना सन्देश जारी गर्दै उनले जनताको जीवनमा लोकतन्त्रको सार्थक अनुभूति गराउने अभियानमा विकास, समृद्घि, सुशासन एवं स्थिरता सरकारको मुख्य गन्तव्य भएको जनाए । ‘हाम्रो ध्येय गरिबी, विपन्नता, पछोटेपन, सामाजिक उत्पीडन तथा शोषण, विभेद र भ्रष्टाचारविरुद्घ केन्द्रित छ । गरिबी र लेकतान्त्रिक गणतन्त्र सँसँगै रहन सक्दैन् ।
त्यसैले सुशासन र विकास आज हाम्रा प्राथमिकता हुन्,’ प्रधानमन्त्रीको सन्देशमा उल्लेख छ, ‘त्यसैले यो प्रगतिशील, देशभक्त र जनपक्षीय सरकार दृढ इच्छाशक्तिका साथ समृद्घ नेपाल सुखी नेपालीको राष्ट्रिय आकांक्षा हासिल गर्न अग्रसर छ ।’ उनले गणतान्त्रीक व्यवस्थालाई पारिभाषित गर्दै गणतन्त्र केबल राजनीतिक प्रणाली मात्रै नभई सममग्र सामाजिक रुपान्तरणको व्यवस्था भएको बताइका छन् ।
कान्तिपुर दैनिक पत्रिकाबाट
वि.सं.२०७६ जेठ १५ बुधवार ०७:३० मा प्रकाशित
