पाँच करोड जरिवाना असुल गर्न बाँकी

कुल रु चार करोड ६९ लाख ३१ हजार १७२ जरिवाना असुल गर्नुपर्ने लगत रहेकोमा रु चार करोड ६५ लाख ४९ हजार ८४८ बाँकी रहेको अदालतले जनाएको छ ।

अदालतले यस आर्थिक वर्षको साउन महिनादेखि अहिलेसम्म दुनियावादी देवानी प्रकृतिको ४९ मुद्दाको लगत रहेकोमा १० फछ्र्योट भइसकेको र ३९ वटा बाँकी रहेको जनाएको छ । त्यसैगरी, दुनियावादी फौजदारी प्रकृतिका ३५ मुद्दा लगतमा रहेकोमा १३ वटा फछ्र्योट भइसकेको र २२ वटा बाँकी रहेको, सरकारवादी फौजदारी प्रकृतिका ३८ वटाको लगत रहेकोमा १५ वटा फछ्र्योट भई १३ वटा बाँकी रहेको छ ।

हालसम्म १२ वटा थुनुवा मुद्दा बाँकी रहेको जनाइएको छ । त्यसैगरी, बालबालिका पक्षका दुई मुद्दा फछ्र्योट भएको र महिला पक्षको २८ लगत रहेकोमा १२ फछ्र्योट भई १६ बाँकी रहेको कार्यालयले जनाएको छ ।

यता मेलमिलापसम्बन्धी लगत आठ रहेकोमा तीनवटा फछ्र्योट भइसकेको र पाँचवटा बाँकी रहेको जनाएको छ । त्यसैगरी, पाँच लगत रहेको फैसला कार्यान्वयनतर्फको निवेदनमा एकवटा फछ्र्योट भई चारवटा बाँकी रहेको हो ।

कार्यालयले कैद जरिवानातर्फ एक हजार ४१ वर्ष १० महिना १८ दिनको लगत रहेकोमा छ हजार २०३ वर्ष दुई महिनाको फछ्र्योट भइसकेको जनाएको छ । कार्यालयले १५६ कैद माग लागेका, १३९ जरिवाना माग लागेका साथै जरिवाना र कैद दुवै लागेका ७८ सहित ३७३ व्यक्तिबाट कैद जरिवाना असुल गरेको छ ।

यसैबीच, जिल्ला अदालतले अभिलेखमा रहेका सबै मिसिललाई सफ्टवेयरमा राख्न थालेको छ । रासस