हामी सबैकाे संसारन्यूज

२५ असार । सर्वोच्च अदालतले फलफूल तथा तरकारीको विषादी अनिवार्य चेक गर्न सरकारलाई आदेश जारी गरेको छ ।

भद्रप्रसाद नेपाल(स्वागत नेपाल) र नारायणप्रसाद दवाडीको प्रधानमन्त्री तथा मन्त्रीपरिषद्को कार्यालयलाई विपक्षी बनाइ दिइएको निवेदनउपर सर्वोच्च अदालतका माननीय न्यायाधीस आनन्दमोहन भट्टराईले सरकारको नाममा अन्तरिम आदेश जारी गरेका हुन् ।

नेपालको संविधानको धारा ४४ द्वारा प्रत्येक उपभोक्तालाई गुणस्तरीय वस्तु र सेवा प्राप्त गर्ने तथा गुणस्तरहीन सेवा वा वस्तुबाट क्षति पुगेको व्यक्तिलाई काुनुन बमोजिम क्षतिपूर्ति पाउने हक प्रत्याभूत गरेको तथा खाद्य(धारा ३६) र स्वास्थ्य(धारा ३५) लाई आधारसहित २०७६÷३÷२ को निर्णयलाई २०७६÷३÷१८ को मन्त्रीपरिषद्ले उल्टाएकोे भन्दै निवेदन गरिएकोमा दुवै पक्षलाई उपस्थित गराई एकैसाथ सुनुवाई गर्नुपर्ने भन्दै सर्वोच्चद्वारा मन्त्रीपरिषद्को पछिल्लो निर्णय कार्यान्वयन नगर्न अल्पकालिन अन्तरिम आदेश जारी गरिएको छ ।

सर्वोच्चको सो निर्णयमा २०७६÷३÷३० गते दुवै पक्षलाई बोलाई सुनुवाई गर्ने भनिएको छ ।