११ जुलाई, काठमाण्डौं । अन्तराष्ट्रिय नेपाली साहित्य समाज (अनेसास) ले बालबालिका कविता प्रतियोगिताको आयोजना गर्ने भएको छ ।
१४ वर्ष मुनिका बालबालिकाले मात्र सहभागी हुन पाउने उक्त कविता प्रतियोगिताका लागि कविता आव्हान गरिएको छ ।
कविता पठाउनका लागि निम्न कुरामा ध्यान दिन पनि समाजले अनुरोध गरेको छ ।
जसमा कविताको विषयवस्तु खुला रहने, कविता बढीमा २०० सब्दसम्मको हुनुपर्ने, कविता नेपाली भाषामा लेखिएको हुनुपर्ने तथा डायस्पोरामा रहेका १४ वर्षसम्मका बालबालिकाले प्रतियोगितामा भागलिन पाउनेछन् ।
कविता अगस्त ३० अगस्त सम्म balkabita@yahoo.com मा पठाइसक्नुपर्ने छ ।
उक्त कविता प्रतियोगितामा प्रथम, द्धितीय र तृतीय हुनेलाई क्रमश ३००, २०० र १०० डलर प्रदान गरिने पनि समाजले जनाएको छ ।
