back

मूल्य वृद्धि क्रमशः ओरालो लाग्दै –राष्ट्र बैंक

वि.सं.२०७३ मंसिर ४ शनिवार

393 

shares
RBB AD
NTC AD

rastra-bank

४ मङ्सिर, काठमाडौँ । मुद्रास्फीति क्रमशः घट्दै गएको छ । नेपाल राष्ट्र बैंकले शुक्रबार सार्वजनिक गरेको देशको वर्तमान आर्थिक तथा वित्तीय स्थितिसम्बन्धी त्रैमासिक प्रतिवेदनले मूल्य वृद्धिमा क्रमशः सुधार हुँदै गएको देखाएको हो । गत असारदेखि घट्दो क्रममा रहेको वार्षिक विन्दुगत उपभोक्ता मुद्रास्फीति भदौमा ७.९ प्रतिशतमा रहेकामा असोजमा ६.७ प्रतिशतमा ओर्लेको हो ।

गत वर्षको तुलनामा समीक्षा अवधिमा खाद्य मुद्रास्फीतिमा सुधार आएकाले समग्र उपभोक्ता मुद्रास्फीति घट्न गएको बैंकले उल्लेख गरेको छ । सो अवधिमा खाद्य मुद्रास्फीति ५.७ प्रतिशत रहेको छ । अघिल्लो वर्षको सोही अवधिमा खाद्य मुद्रास्फीति ९.७ प्रतिशत थियो । सो समूह अन्तर्गत दलहन तथा गेडागुडी, घ्यू तथा तेल, दुग्धजन्य पदार्थ तथा अन्डा, मासु तथा माछा लगायत वस्तुको मूल्य वृद्धिदर गत वर्षको तुलनामा न्यून रहेकाले खाद्य मुद्रास्फीति कम रहन गएको हो ।

समीक्षा अवधिमा चिनी तथा चिनीजन्य पदार्थको मूल्य १७.८ प्रतिशत र मदिराजन्य पेय पदार्थको मूल्य १३.४ प्रतिशतले वृद्धि भएको छ । गैरखाद्य मुद्रास्फीति ७.६ प्रतिशत पुगेको छ । अघिल्लो वर्षको सोही अवधिमा गैरखाद्य मुद्रास्फीति ७.१ प्रतिशत थियो । सो समूह अन्तर्गत लत्ताकपडा तथा जुत्ताको मूल्य ११.२ प्रतिशतले, शिक्षा ९.६ प्रतिशतले र घरभाडा ९.४ प्रतिशतले वृद्धि भएको छ ।

क्षेत्रगत आधारमा विश्लेषण गर्दा समीक्षा अवधिमा उपभोक्ता मुद्रास्फीति पहाडमा ८.९ प्रतिशत, हिमालमा ६.३ प्रतिशत, तराईमा ६.२ प्रतिशत र काठमाडौँ उपत्यकामा ५.७ प्रतिशत छ । अघिल्लो वर्षको सोही अवधिमा मूल्य वृद्धिदर क्रमशः ८.५ प्रतिशत, ६.९ प्रतिशत, ७.५ प्रतिशत र ९.१ प्रतिशत थियो ।

सो अवधिमा विप्रेषण आप्रवाह ३.२ प्रतिशतले वृद्धि भई रु एक खर्ब ७१ अर्ब ८० करोड पुगेको छ । अघिल्लो वर्षको सोही अवधिमा विप्रेषण आप्रवाह २४ प्रतिशतले वृद्धि भएको थियो । खुद ट्रान्सफर आय १.५ प्रतिशतले वृद्धि भई रु एक खर्ब ९४ अर्ब ४८ करोड पुगेको छ । अघिल्लो वर्षको सोही अवधिमा यस्तो आय २७.३ प्रतिशतले बढेको थियो ।

वैदेशिक रोजगारीमा जाने नेपालीको सङ्ख्यामा पछिल्ला महिनामा निरन्तर कमी आएकाले विप्रेषण आप्रवाह ओरालो लागेको हो ।

वि.सं.२०७३ मंसिर ४ शनिवार ००:२१ मा प्रकाशित

NLIC AD
NABIL bank AD
प्रभु बैँक र आगन्तुक रिसोर्टबीच बिशेष छुटसम्बन्धी सम्झौता

प्रभु बैँक र आगन्तुक रिसोर्टबीच बिशेष छुटसम्बन्धी सम्झौता

काठमाडौं । प्रभु बैंकका कर्मचारी तथा ग्राहकलाई धुलिखेलमा अवस्थित आगन्तुक...

२४ औं वर्षमा प्रवेश गर्‍यो आइएमई

२४ औं वर्षमा प्रवेश गर्‍यो आइएमई

काठमाडौं । रेमिटेन्स कम्पनी ‘आइएमई’ले स्थापनाको २३ वर्ष पूरा भएको...

संसद्मा विनियोजन विधेयकमाथि खर्च कटौतीका आठ प्रस्ताव प्रस्तुत

संसद्मा विनियोजन विधेयकमाथि खर्च कटौतीका आठ प्रस्ताव प्रस्तुत

काठमाडौँ । प्रतिनिधिसभाको आजको बैठकमा विनियोजन विधेयक, २०८१ अन्तर्गत विभिन्न...

बन्दीपुर केवलकार आजदेखि सञ्चालन

बन्दीपुर केवलकार आजदेखि सञ्चालन

डुम्रे (तनहुँ) । पर्यटकीय नगरी बन्दीपुर घुम्न आउने पर्यटक अब...

नागरिक लगानी कोषले गर्ने भयो खिम्ती-२ को शेयर व्यवस्थापन

नागरिक लगानी कोषले गर्ने भयो खिम्ती-२ को शेयर व्यवस्थापन

काठमाडौँ । ‘पिपुल्स इनर्जी लिमिटेड’ले निर्माण गरिरहेको खिम्ती-२ जलविद्युत् आयोजनाको...

‘वनमा आधारित उद्यम प्रवर्द्धन’ कार्यक्रम अन्तर्गत मौरीसहितको घार वितरण

‘वनमा आधारित उद्यम प्रवर्द्धन’ कार्यक्रम अन्तर्गत मौरीसहितको घार वितरण

खोटाङ । डिभिजन वन कार्यालय खोटाङले दिक्तेल रुपाकोट मझुवागढी नगरपालिका-१२...